web counter
LEXO PA REKLAMA!

SHKARKO APP

App Store
Google Play

E fundit!

x

Irani sulmon bazat që strehojnë trupat amerikane në Irak/ Nuk ka viktima

8 Janar 2020, 07:54, Kosova & Bota CNA

Regjimi iranian ka nisur të kundërpërgjigjet, ndaj vrasjes së komandantit të saj të njohur të Forcës Kuds, Kasëm Sulejmani. Gjatë natës së kaluar, të paktën 22 raketa balistike kanë goditur bazat ku strehohen trupat amerikane në Irak.

Sipas një deklarate të ushtrisë irakene, sulmet kanë pasur kryesisht në shënjestër bazën ajrore Al-Asad në provincën e Anbarit. Ndërkohë, 5 raketa goditën një bazë në provincën e Erbilit në Irakun verior. Konfirmohet se nga këto sulme të ndodhur midis orës lokale 1:45 dhe 2:15 të mëngjesit të së mërkurës, nuk ka patur viktima apo të lënduar, por vetëm dëme materiale. Ndërkohë burime ushtarake amerikane, të cituara nga CNN thanë se trupat amerikane ishin paralajmëruar që herët për t?u futur në strehimore, përpara se të godisnin raketat.

Sulmet shihen nga Irani si një reagim ndaj vrasjes nga SHBA-ja javën e kaluar të gjeneralit iranian Sulejmani. Teherani e ka quajtur këtë sulm një ?akt lufte? dhe ?terrorizëm shtetëror?, duke u zotuar të kundërpërgjigjet. Pas sulmeve të mbrëmshme,  Ministri i Jashtëm iranian, Muhamed Zarif deklaroi në Twitter se Irani nuk ?kërkon përshkallëzim të situatës ose luftë?, duke shtuar se sulmet raketore ishin një masë proporcionale ?për vetëmbrojtje, sipas nenit 51 të statutit të OKB-së?.

Por një komandant i lartë ushtarak iranian, është zotuar për një sulm ?më të fortë dhe më shkatërrues?, nëse SHBA-ja do të reagojë me sulme të mëtejshme kundër Iranit ose forcave iraniane në Irak. Ndërkohë, presidenti amerikan Donald Trump nuk ka lëshuar deri tani një deklaratë zyrtare mbi këtë sulm. Përmes Twitter-it, ai u shpreh:?Gjithçka është në rregull! Ne kemi ushtrinë më të fuqishme dhe më të mirë-pajisur në botë. Do të bëj një deklaratë nesër në mëngjes?./ CNA.al





Lajmet e fundit nga