E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Presidenti Trump paralajmëron sanksione të reja kundër Iranit

8 Janar 2020, 19:06, Kosova & Bota CNA

Presidenti amerikan, Donald Trump deklaroi se do të vendosë sanksione më të fuqishme ekonomike ndaj Iranit, pas sulmit iranian me raketa kundër dy bazave ushtarake në Irak që strehojnë trupa amerikane. Në fjalimin përpara vendit që mbajti të mërkurën, raporton radioja amerikane VOA, Trump njoftoi gjithashtu se asnjë amerikan nuk u dëmtua në sulmin e mbrëmshëm.

?Të gjithë ushtarët tanë janë të sigurt dhe në bazën tonë ushtarake pati vetëm dëme minimale?, tha ai.

Pas sulmit me raketa, tha Presidenti Trump, ?Irani duket se është tërhequr, gjë që është diçka e mirë për të gjitha palët e interesuara dhe një gjë shumë e mirë për botën.? ?Asnjë jetë amerikane ose irakiane nuk humbi për shkak të masave paraprake të shpërndarjes së forcave dhe të një sistemi paralajmërimi të hershëm që funksionoi shumë mirë.?

Vendet e botës, tha Presidenti, ?e kanë toleruar gjatë sjelljen shkatërruese dhe destabilizuese të Iranit në Lindjen e Mesme dhe më gjerë. Por ato ditë kanë marrë fund. Irani, tha ai, ka qenë sponsori kryesor i terrorizmit dhe synimi i tyre për të patur armë bërthamore kërcënon botën e civilizuar. ?Përsa kohë që unë të jerm president, Irani nuk do të lejohet të ketë armë bërthamore?, deklaroi Presidenti Trump. Javën e kaluar ushtria e Shteteve të Bashkuara eliminoi ?terroristin më të madh në botë?, Kasem Soleimani, i cili ishte personalisht përgjegjës për disa prej mizorive më të rënda. Ai trajnoi ushtri terroriste, përfshirë Hezbollahun, nxiti luftëra të përgjakshme civile, në të gjithë rajonin. Ai plagosi dhe vrau mijëra trupa amerikane. Duke eliminuar Soleimanin ne i kemi dërguar një mesazh të fuqishëm për terroristët?, tha Presidenti, duke pohuar se SHBA vazhdojnë të shqyrtojnë opsionet në përgjigje të sulmit iranian.

“Ne do të vendosim menjëherë sanksione shtesë ndëshkuese ekonomike ndaj regjimit iranian, të cilat do të qëndrojnë në fuqi derisa Irani të ndryshojë sjelljen e duhet të braktisë ambiciet e tij bërthamore e mbështetjen për terrorizmin. Ka ardhur koha që Mbretëria e Bashkuar, Gjermania, Franca, Rusia dhe Kina ta njohin këtë realitet. Këto vende tani duhet të shkëputen nga marrëveshja bërthamore me Iranin? dhe ?ne të gjithë duhet të punojmë së bashku? për një marrëveshje të re me Iranin. Gjithashtu duhet të bëjmë një marrëveshje që lejon Iranin të lulëzojë dhe përparojë.?

Presidenti Trump i kërkoi NATO-s ?të përfshihet shumë më tepër në procesin e Lindjes së Mesme. Ekonomia jonë, tha ai, është më e fortë se kurrë më parë.

Tani jemi prodhuesi numër një i naftës dhe gazit natyror kudo në botë. Ne jemi të pavarur. Dhe ne nuk kemi nevojë për naftë të Lindjes së Mesme. Raketat tona janë po aq të fuqishme, vdekjeprurëse dhe të shpejta. Në ndërtim e sipër janë shumë raketa hipersonike. Megjithatë, fakti që ne kemi këtë ushtri dhe pajisje të shkëlqyer, nuk do të thotë që duhet t?i përdorim ato. Fuqia amerikane, si ushtarake, ashtu edhe ekonomike është parandaluesi më i mirë?, tha Presidenti Trump.