E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famëkeq të Ajatollahëve

Në protestat e zhvilluara prej më shumë se tri javësh në T...

Nga përgjimet, mandatet e opozitës, tërmeti dhe ngritja e SPAK/ Ngjarjet e bujshme që shoqëruan 2019

1 Janar 2020, 09:10, Politikë CNA

Viti që lamë pas është një vit i shoqëruar me një sërë ngjarjesh që do të mbahen mend gjatë në hostorinë e vendit tonë.

Në janar të vitit 2019, gazeta gjermane ?Bild?, publikoi përgjimet në lidhje me shit-blerjen e votave nga Partia Socialiste në Dibër. Këto përgjime kanë lidhje me të ashtuquajturën ?Dosja 184?, e përfolur nga opozita si dosja voluminoze që provon krimin zgjedhor në Dibër.

Më titullin ?Shiritat e dëgjimit dëshmojnë: Qeveria manipuloi zgjedhjet?, Tiede ka publikuar audio-përgjimet ku flet edhe vetë kryeministri Edi Rama. Ky i fundit dëgjohet teksa bisedon me ish-drejtorin në Ministrinë e Brendshme, Arben Keshin.

Rama e pyet Keshin nëse e ka realizuar obljektivin dhe drejtori përgjigjet pozitivisht. Dosja.al ka zbardhur 16 audio-përgjimet e publikuara nga mediat gjermane dhe ka përshtatur në shqip të gjithë artikullin e prestigjiozes. (Lexo këtu)

Përgjimet e Bild, shërbyen si kauzë për opozitën, e cila filloi protestat kundër qeverisë.

Pas një proteste të zhvilluar në 16 shkurt, opozita e drejtuar nga kreu i PD-së, Lulzim Basha vendosi të djegë mandatet e deputetëve, në shenjë proteste kundër qeverisë, të cilën e akuzon se ka ardhur në pushtet me votat e blera nga paratë e krimit.

Por, pas djegies së mandateve të deputetëve, të tjerë kandidatë nga listat shumëemërore të PD dhe LSI pranuan mandatet e lëna bosh, gjë që çoi në krijimin e një opozite të re parlamentare.

Më tej, opozita bojkotoi edhe zgjedhjet vendore të 30 qershorit, të cilat u zhvilluan në shumicën e bashkive në vend, me një kandidat të vetëm në garë. Kështu, Basha i dhuroi Ramës në tavolinë 61 bashki. Pra, të gjithë pushtetin lokal.

Një tjetër ngjarje është edhe dështimi për të hapur negociatat për anëtarësim në BE. Një ngjarje kjo në fakt e shumëpritur nga shqiptarët, por që lideret e BE vendosën të japin një përgjigje negative për Shqipërinë dhe Maqedoninë e Veriut.

Në 18 tetor 2019, Komisioneri për zgjerimin në BE, Johanes Hahn, bëri të ditur se liderët e Bashkimit Europian përfundimisht nuk arritën të kishin një dakordësi për hapjen e negociatave me Shqipërinë dhe Bashkimin Europian.(Lexo këtu)

Një tjetër ngjarje që do të mbahet mend është edhe atentati ndaj prokurorit Arjan Ndoj, ku humbi jetën drejtuesi i mjetit, Andi Maloku, dhe mbeti i plagosur vetë prokurori si dhe shoqëruesi i tij Aleksandër Laho, i njohur ndryshe si Landi Muharremi, apo ?Rrumi?, mësohet se ky i fundit ka lënë ambientet e spitalit.

Përsa i përket atentatit të Durrësit, policia ka arrestuar si të dyshuar 34-vjeçarin Redjan Rraja. Ai u ndalua me urdhër të prokurorëve, Anton Martini e Besim Hajdarmataj, teksa tentoi të largohej nga Shqipëria nga pika kufitare e Hanit të Hotit për në Malin e Zi, pas gjetjes së shenjave të gishtrinjëve në automjetin e përdorur për kryerjen e atentatit, të braktisur në fshatin Shkafanë të Ishmit. (Lexo këtu)

Një tjetër ngjarje që preku zemrat e të gjithëve është ajo e rastit të djalit 11 vjeçar, Alvin Berisha, i cili ka prekur zemrat e të gjithëve me historinë e tij.

11-vjeçari prej 5 vitesh ndodhej në kampin e Al-Hol në Siri i plagosur nga shpërthimi i një bombe, që i kanë shkaktuar probleme serioze në ecje.

Alvini u mor në Siri nga nëna e tij e cila humbi jetën gjatë luftimeve më Siri.

Alvin Berisha u lirua nga kampi falë ndërhyrjes së mediave italiane, në bashkëpunim me Kryqin e Kuq dhe ?Gjysmëhënen? siriane. (Lexo Këtu)

Më tej, një ndër ngjarjet më tragjike ishte tërmeti i 26 nëntorit.

Rreth orës 03:54 të mëngjesit të 26 nëntorit 2019, Shqipëria u godit nga një tërmet i fortë me magnitudë 6.4 ballë, i shkallës rihter.

Tërmeti zgjati mbi 30 sekonda dhe u ndie në të gjithë Shqipërinë, por zonat më të prekura ishin Durrësi, Thumana ku shumë ndërtesa u kthyen në gërmadha.

Tërmeti i 26 nëntorit la pas një bilanc tragjik, ku 51 persona humbën jetën, qindra mbetën të lënduar, ndërsa me mijëra të tjerë kanë mbetur të pastrehë për shkak se banesat e tyre janë shembur ose janë bërë të pabanueshme nga dëmet e mëdha që kanë pësuar. (Lexo këtu)

Ngritja e Prokurorisë së Posaçme Kundër Krimit të Organizuar dhe Korrupsionit, e njohur ndryshe si SPAK është një tjetër ngjarje e raportuar fort nga mediat dhe me një impakt të fortë në opinionin publik.

Ngritja e SPAK ka pritshmëri të lartë nga shqiptarët të cilët duan që drejtësia të jetë më në fund në krahun e tyre, por edhe nga ndërkombëtarët.

Por, pavarësisht pritshmërive të larta, ngritja e SPAK u shoqërua edhe me akuza. Pas zgjedhjes së prokurorit Arben Kraja në krye të Prokurorisë së Posaçme në media u publikuan akuza dhe dokumente, ku pretendohet se Arben Kraja është ish-hetues i regjimit komunist.

Autoriteti i Dosjeve konfirmon/ Arben Kraja hetues i komunizmit, trajtoi çështje të kalimit të paligjshëm të kufirit

Ish-hetuesi i diktaturës në krye të SPAK/ Publikohen të tjera fakte tronditëse