web counter
LEXO PA REKLAMA!

SHKARKO APP

App Store
Google Play

Pse i përvëlon sondazhi i “Brrylit”, Lulzim Bashës

31 Dhjetor 2019, 11:17, Politikë CNA

Dy ditë më parë në mbrëmjen e ditës së dielë, ?Brryli Brodëay?, një faqe memesh në rrjetet sociale, publikoi një sondazh.

Një sondazh me një pyetje të thjeshtë: A ka bërë opozita, opozitë?

Duke vendosur dy foto të Lulzim Bashës, kreut të PD-së, me alternativat, PO  ose JO.

Rezultatet ishin thuajse tronditëse. Mbi gjashtë mijë votues, dhe reth 84% e tyre, thonin se Lulzim Basha nuk ka bërë opozitë. Një detaj mjaft domethënës.

Është një sondazh i një faqeje kritike të qeverisë, e cila ironizon dhe tallet keqazi me çdo anëtar të kabinetit, duke filluar që nga kryeministri Edi Rama e deri tek i fundit. Dhe është më e kujdesshme me opozitën.

Por, mesa duket edhe atje ku janë ndjekësit më të mëdhenj antiqeveritarë, me më shumë like, komente dhe shpërndarje. Me shumë kritika dhe ironizime ndaj qeverisë, me akuza ndaj qeverisë, Lulzim Basha nuk fiton dot.

Ky është rasti kur Lulit i përvëlon një sondazh. Nuk i djeg. Se ndoshta sondazhet e tjera ai i shikon me një tjetër sy. Por ky në një faqe memesh ku sulmohet agresivisht qeveria, e cila sipas vetë autorëve apo personazheve që fshihen pas asaj faqeje, disa herë ka tentuar tua mbyllë apo raportojë, tregon se Lulzim Basha është vërtetët i pabesueshëm. Tregon se Lulzim Basha nuk është personi i duhur për të qënë në krye të opozitës.

Kreu i Republikës së re, kur humbet sondazhin te ?Brryli?, vallë çfarë ndodh në terren. Ai është i pabesueshëm dhe në një grup fansash që është me mijëra, të cilët nuk e besojnë dhe nuk e duan qeverinë me Ramën në krye, Lulzim Basha është i pabesueshëm edhe për shkak të kauzave të tij të humbura dhe të dështuara, ndryshimit të sjelljes çdo tre muaj nga një sjellje në një tjetër, por kjo tashmë duket se është e pavlerë. Njerëzit nuk e besojnë më atë dhe as opozitën që ai bën. Sondazhi na e tregon të vërtetën. Atë të vërtetë që i përvëlon më shumë se çdo gjë tjetër Lulit./ CNA.al

Sondazhi nga faqja e memeve/ Basha përbuzet dhe masakrohet nga shqiptarët





Lajmet e fundit nga