web counter
LEXO PA REKLAMA!

SHKARKO APP

App Store
Google Play

Trafik droge dhe prostitucion?/ Detajet tronditëse pas atentatit ndaj kryebashkiakut në Lushnje

31 Dhjetor 2019, 10:26, Politikë CNA

Partia Demokratike ka reaguar me tone mjaft të forta pas atentatit në Lushnje, ku mbeti i plagosur kryebashkiaku Fatus Tushe dhe sekretarja Erisa Qalliu.

Në një deklaratë për mediat, PD shprehet se ngjarja e sotme është pasqyrë e degradimit të qeverisjes, vendore dhe lokale.

Sipas PD-së, ngjarja në fjalë ka ndodhur për prishje të pazareve të drogës mes kryebashkiakut dhe ish-shoferit të tij.

?Ngjarja e rëndë e ndodhur sot në Bashkinë e Lushnjës është pasqyra e vërtetë e drejtimit të vendit nga Edi Rama në çdo nivel, në qeverisjen qendrore dhe atë lokale.

Të gjitha rrethanat tregojnë se goditja e kryebashkiakut të Lushnjës është prishje pazaresh mes tij dhe ish shoferit, me të cilin ka ndarë bashkë para nga droga, prostitucioni dhe korrupsioni.

Është fakt i njohur në Lushnjë, se ish shoferi i kryetarit të Bashkisë Lushnjë, një trafikant droge dhe prostitucioni, ka financuar fushatën elektorale të Fatos Tushes. Çdo lushnjar e di se personi që ka kryer sot goditjen kundër kryebashkiakut, ishte njeriu më i besuar i Fatos Tushes dhe që bënte çdo pazar në emër të tij.?-thuhet në deklaratën e PD.

Po ashtu, PD shprehet se ngjarja e rëndë e ndodhur sot në zyrën e kryebashkiakut të Lushnjës, është tregues i degradimit të shtetit të ndërtuar prej Edi Ramës, si dhe një fakt më shumë se njerëzit me të cilët ai përfaqësohet, ble vota dhe mban pushtetin janë llumi i shoqërisë.

?Për Partinë Demokratike ka vetëm një mënyrë për të dalë nga kjo krizë përfaqësimi. Këto janë zgjedhjet e lira dhe të ndershme, parlamentare dhe lokale në të njëjtën ditë, të cilat do të largojnë nga drejtimi i vendit kryeministrin me rekordet më të zeza të lidhjeve me krimin dhe korrupsionit dhe për t?u dhënë qytetarëve një qeveri që punon për mirëqenien dhe sigurinë e tyre.?-përfundon deklarata./ CNA.al





Lajmet e fundit nga