E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Cila ishte lëvizja e bujshme që trazoi ujërat e politikës gjatë këtij viti

1 Janar 2020, 15:50, Politikë CNA

Viti 2019 do të mbahet mend si një vit ?i zhurmshëm? përsa i përket politikës në vend.

Ka pasur plot debate përplasje, akuza mes partive kryesore.
Lëvizja më e bujshme që trazoi edhe ?ujërat? e politikës, ishte djegia e mandateve nga deputetët e opozitës.

Deputetët e PD dhe LSI zgjodhën të largohen nga parlamenti dhe të djegin mandatin në muajin shkurt të këtij viti.

Mjaftuan vetëm 30 minuta që Këshilli Kombëtar i PD-së, të vendoste lënien e mandateve të deputetëve.

Kryetari i PD, Lulzim Basha tha se vendimi ishte bindje ndaj urdhrit të sovranit.

Thirrjes së Lulzim Bashës iu përgjigjën pa kundërshtime masa e deputetëve të tij, aleatët e vegjël si dhe Monika Kryemadhi e LSI-së. Por, mes dy grupeve parlamentare të PD-së dhe LSI-së, 3 deputetë nuk pranuan të dorëzonin mandetet.

Nga radhët e PD, Rudina Hajdari dhe Myslim Murrizi nuk i kanë djegur ato, gjithashtu dhe Lefter Koka nga LSI. Ndërkohë nuk kaloi shumë kohë dhe 39 vendë të lëna bosh u plotësuan nga kandidatët e listave të PD dhe LSI. Djegia e mandateve hapi debate të ashpra politke.

Me djegien e mandateve opozita nuk pranoi të hyjë as në zgjedhjet e 30 qershorit, duke i bojkotuar ato. Ndërkohë nga ana tjetër mazhoranca vijoi me zhvillimin e zgjedhjeve që ngriti akoma më shumë tensionet mes partive.

Më 30 qershor shqiptarët votuan për 61 kryetarët e bashkive në zgjedhjet vendore të 2019.

Zgjedhje jo të zakonshme, për herë të parë pa opozitën. Partia Socialiste i fitoi të gjitha bashkitë në këto zgjedhje për shkak të bojkotit të opozitës, me përjashtim të njërës. Bëhet fjalë për Bashkinë e Finiqit që u fitua nga partia MEGA.