web counter
LEXO PA REKLAMA!

SHKARKO APP

App Store
Google Play

"Kurti, fenomen në politikë"/ Ngjela: Beogradi dhe Tirana i tremben Vetëvendosjes

26 Dhjetor 2019, 14:55, Kosova & Bota CNA

Avokati Spartak Ngjela ka reaguar në lidhje me situatën politike në Kosovë, ku ende nuk është arritur një marrëveshje midis Vetëvendosjes dhe LDK-së për të krijuar qeverinë e re.

Ngjela u shpreh se ai që duhet të bëjë mbrapa është Isa Mustafa, pasi koha e tij ka kaluar ndërsa Albin Kurti është një politikan i nivelit të lartë, të cilit nuk i trembet vetëm Prishtina me politikën e saj të vjetër por edhe Beogradi, Shkupi dhe Tirana me Kryeministrin Rama.

?Mustafa nuk është fenomen normal në këtë kohë. Konceptoj që Kurti ka trembur Prishtinën.Washingtoni nuk është shprehur kundër tij, Beogradi po. Sa i përket presidentit, nëse ka ndërhyrë qeveria serbe, atëherë qeveria e Kurtit tremb Beogradin por edhe Shkupin e Tiranën. Albin Kurti është fenomen në politikë, politikan i nivelit të lartë?, tha Ngjela.

Avokati nuk la pa përmendur se nëse Albin Kurti del në zgjedhje të reja me Vjosa Osmanin, duke përçarë kështu LDK-në, qeverisë së Kosovës do i jepej zgjidhja më e mirë.

?Nëse ai del në zgjedhje të reja me Vjosa Osmanin atëherë i zgjidh të gjitha. Vjosa Osmani dhe Albin Kurti, kjo e fundit t?i çajë partinë Mustafës, që të vijnë në pushtet?, u shpreh Spartak Ngjela në studion e Top channel./CNA.al





Lajmet e fundit nga