web counter
LEXO PA REKLAMA!

SHKARKO APP

E fundit!

x

Zjarre shkatërruese në Kili/ Shuhet qyteti turistik

26 Dhjetor 2019, 10:42, Kosova & Bota CNA

Të paktën 200 shtëpi janë shkatërruar në një qytet antik dhe turistik të Kilit, për shkak të zjarreve të shumta.

Zjarret kanë shpërthyer në pyje duke përfshirë një zonë të banueshme në qytetin-port kilian, Valparaiso. Zjarret kanë nisur në prag të Krishtlindjes, duke vijuar edhe të nesërmen.

Qindra zjarrfikës u përpoqën të kontrollojnë flakët që lëviznin shpejt për shkak të motit dhe erërave të forta. Njësitë ushtarake dhe helikopterët u vendosën për të ndihmuar në luftimin e zjarrit dhe banorët u evakuuan menjëherë, për t?u strehuar në ambiente alternative.

Udhëheqësi rajonal i qeverisë së Valparaiso, Jorge Martinez Duran, në një konferencë për shtyp tha se zjarret mund të jenë shkaktuar edhe qëllimisht, nga duar njerëzore.

I vendosur rreth 70 milje në veriperëndim të kryeqytetit Santiago në bregdetin e Kilit, Valparaiso është një destinacion popullor turistik i njohur për shtëpitë shumëngjyrëshe, kodrat idilike dhe qytetin e tij historik të vjetër./Përshtati nga BBC.com, CNA.al





Lajmet e fundit nga