web counter
LEXO PA REKLAMA!

SHKARKO APP

App Store
Google Play

E fundit!

x

Vasili akuza të rënda ndaj Ramës/ “Kërkon të izolojë Kosovën”

24 Dhjetor 2019, 15:30, Politikë CNA

Nënkryetari i LSI-së, Petrit Vasili ka komentuar sërish marrëveshjen e Mini-Shengenit Ballkanik, teksa ka hedhur akuza ndaj kryeministrit Edi Rama se ka zgjedhur presidentin e Serbisë Aleksandër Vuçiç para shqiptarëve.

Sipas tij, Rama ka për qëllim shpërbërjen kombëtare nëpërmjet shpopullimit dhe mjerimit diskriminues ekonomik.

?Rama nuk ka asnjë ndjeshmëri per sjelljen genocidiste mizore të Serbisë ndaj Kosovës,ndaj për të është njëlloj sikur genocidi të mos kishte ekzistuar kurrë.

Nëtë kundërt, më e pakta që Rama mund të bënte do të ishte që të kërkonte Referendum për të ashtuquajturin Minishengen.

Por Edi Rama nuk mund të përballet kurrë me një Referendum që përmes Minishengenit ai të shesë Shqipërinë, sepse do të kishte kundër të gjithë shqiptarët në Shqipëri e kudo në botë?, shprehet Vasili në rrjetet sociale.

Nënkryetari i LSI-së pretendon se kryeministri ka si funksion përçarjen mes Shqipërisë dhe Kosovës.

?Izolimi i Kosovës dhe nxjerrja e saj jashtë vëmendjes është pikërisht ajo që Serbia do për të mos e njohur kurrë Kosovën dhe Edi Rama pikërisht këtë bën.

Sot në të gjithë hapësirën shqiptare ekziston vetëm një problem, një kundërshtar dhe përçarës, që është Edi Rama.

Çlirimi prej tij është pastrimi i rrugës së kauzave të mëdha në Shqipëri dhe Kosovë ku integrimi europian mbetet kryekauza, që kërkon bashkërendim të energjive, unitet dhe sakrifica të përbashkëta?, thekson ai./ CNA.al





Lajmet e fundit nga