web counter
LEXO PA REKLAMA!

SHKARKO APP

App Store
Google Play

E fundit!

x

“Qytetarët e Thumanës janë në ankth për fatin e tyre/ Mosreagimi i qeverisë sjell probleme shëndetësore"

24 Dhjetor 2019, 14:38, Politikë CNA

Kreu i PD, Lulzim Basha ka viztuar sot disa familje në Thumanë të prejura nga tërmeti i 26 nëntorit.
Basha shprehet se Thumana nxorri në pah papërgjegjshmërinë dhe dështimin e kësaj qeverie që shkaktoi humbjen e 24 jetëve vetëm sepse nuk mori masa për pallatet e dëmtuara nga tërmeti i 21 shtatorit dhe ai i korrikut 2018.

?Ka kaluar një muaj dhe ende qytetarët, banesat e të cilëve u dëmtuan janë në ankth për fatin e tyre. Askush nuk u ka dhënë një vlerësim nëse banesat e tyre janë apo jo të banueshme. Disa janë detyruar të marrin rrezikun e qëndrimit në shtëpitë e dëmtuara duke mos pasur mundësi tjetër strehimi. Frika dhe dëshpërimi i shoqëron gjatë gjithë kohës.
Ata nuk kërkojnë asgjë më tepër sesa inxhinierë që të vlerësojnë rrezikshmërinë që paraqesin banesat e tyre në mënyrë që të mos u ndodhë e njëjta gjë sic ndodhi me pallatet e shembura vetëm disa metra larg tyre?, shkruan Basha.

Kryedemokrati shprehet se përtej propagandës shteti ka dështuar turpshëm. Basha thotë se mos reagimi i shpejtë ka rënduar gjendjen e familjeve të prekura dhe po sjell probleme shëndetësore kryesisht tek femijët dhe të moshuarit.

?Dhe e gjitha kjo vetëm që të mos preken 150 milion dollarët që shkojnë në xhepat e 10 oligarkëve.
Mos reagimi i shpejtë ka rënduar gjendjen e tyre dhe po sjell probleme shëndetësore kryesisht tek femijët dhe të moshuarit.
Bamirësia e shqiptarëve ka qenë ndihma më e madhe që kanë marrë! Por është detyrë e shtetit që u merr taksat, tu vijë në ndihmë, tu sigurojë strehim, të vlerësojë sa më parë dëmet dhe të bëjë të mundur rindërtimin e shtëpive dhe riparimin e dëmeve.
Çdo vonesë sjell dëme të mëdha për banorët, fëmijët e tyre por edhe për mbarë shoqërinë dhe vendin./CNA.al





Lajmet e fundit nga