web counter
LEXO PA REKLAMA!

SHKARKO APP

App Store
Google Play

Kryemadhi tregon "pengun" e Metës/ “Ka filluar ta vrasë ndërgjegjja”

24 Dhjetor 2019, 17:35, Politikë CNA

Kryetarja e LSI-së, Monika Kryemadhi, teksa ka komentuar përplasjen institucionale mes Presidentit dhe Kuvendit, u shpreh se Metën ka filluar ta vrasë ndërgjegjja për modestinë e tepruar ndaj kryeministrit Rama, duke i lënë atij të kapte Reformën në Drejtësi.

?Presidentin kam përshtypjen se ka filluar ta vrasë ndërgjegjja për modestinë e tepruar  ndaj Z. Rama, duke i lënë atij që të kapte Reformën në Drejtësi dhe sot e kuptoj se çfarë plani ka pasur që në momentin që ka filluar historia.

Që kur ishte kryetar parlamenti duhej që ta drejtonte Reformën në Drejtësi por modestia e tepruar që kur përjashtoi Ministrinë e Drejtësisë që duhet të ishte dhe ajo pjesë e hartimit të reformës jo sepse e drejtonte LSI sepse LSI nuk është marrë asnjëherë dhe nuk ka propozuar asnjëherë.

Kur u kujtuan pastaj e kishin shumë më të vështirë sepse lejuan që ekspertja numër një për Reformën në Drejtësi ishte Romana Vlahutin, dhe me thënë të drejtën ne të gjithë e dimë që ajo është eksperte për gjëra të tjera dhe vetëm për Reformën në Drejtësi nuk është.”

Duke folur më tej, Kryemadhi tha se nuk ka asnjë lloj dyshimi për Dvoranin ka bërë lojën e Engjëll Agacit dhe se Rama nuk e kupton këtë lojë.

?Unë nuk kam asnjë lloj dyshimi për Dvoranin që ka bërë lojën e Engjëll Agacit. Nuk mendoj që është zoti Rama në këtë lojë, zoti Rama nuk e kupton fare se çfarë ka ndodhur, mendoj që është zoti Engjëll Agaci dhe e gjithë beteja për Gjykatën Kushtetuese ka të bëjë për kontrollin e shtetit dhe kontrollin e bandave dhe krimit të organizuar në Gjykatën Kushtetuese sepse Gjykata Kushtetuese tashmë do të ketë një rol tjetër me Reformën në Drejtës.

Zoti Rama është peng i zotit Agaci dhe zoti Agaci si një avokat i shquar i shumë grupeve kriminale në Itali, të cilat po fitojnë dhe po gjejnë shtrirje për biznesin e vogël shqiptar, besoj se është një nga elementët kryesorë i cili i shërben kapjes së reformës në Shqipëri nga grupet kriminale”, u shpreh Kryemadhi në Fax News./CNA.al

 





Lajmet e fundit nga