web counter
LEXO PA REKLAMA!

SHKARKO APP

App Store
Google Play

E fundit!

x

Meta uron Krishtlindjet/ Mesazh të fortë për largimin e të rinjve dhe të prekurit e tërmetit

24 Dhjetor 2019, 17:19, Politikë CNA

Presidenti Ilir Meta ka uruar pak minuta më parë të gjithë besimtarët e krishterë në vigjilje të Krishtlindjes për të pasur begati, mirëqenie, mbarësi, lumturi dhe sukses në familje.

Meta nuk ka harruar të përmendë të gjithë ata që janë vënë përballë fatkeqësisë, papunësisë dhe indiferencës, duke thumbuar kështu edhe qeverinë.

?Një urim të veçantë kam për të gjithë ata të cilët gjatë këtij viti humbën më të dashurit e tyre, përballuan dhimbje të mëdha, vuajtën nga sëmundjet, skamja, mjerimi, indiferenca dhe papunësia.

Dashuria, gëzimi dhe paqja mbizotëroftë kurdoherë në zemrat dhe vatrat e tyre të ngrohta familjare!

Krishtlindja i gjen shumë familje shqiptare në momente jashtëzakonisht të vështira shpirtërore dhe ekonomike!?, shkruan presidenti në rrjetet sociale.

Gjithashtu Kreu i Shtetit ka dhënë edhe një mesazh për të gjithë të prekurit e tërmetit, e për më tepër për ata që humbën të afërmit.

?Mendimet dhe lutjet tona shkojnë për ata që kjo fatkeqësi e rëndë i ndau përgjithmonë nga të afërmit dhe të dashurit e tyre!

Me mijëra familje kanë humbur shtëpitë dhe mundin e një jete. Gra e burra, fëmijë të mitur dhe të moshuar do e kalojnë edhe këtë natë në çadra, të uritur, të sëmurë dhe të vetmuar me shpresën që sa më parë t?i rikthehen normalitetit.

Solidariteti që treguam në këtë fatkeqësi, është një themel i qëndrueshëm ku mund dhe duhet të mbështetemi, për t?u ringritur, gjetur forcën dhe energjinë, për ndërtuar një Shqipëri më të mirë, më të dhembshur dhe më njerëzore?, shprehet presidenti.

Meta nuk lë pa përmendur edhe largimin e të rinjve e qytetarëve nga Shqipëria, që e cilëson si një plagë të rëndë sociale.

?Le të punojmë të gjithë së bashku, pa u lodhur, për të ndërtuar një të ardhme më të ndritshme në atdhe, veçanërisht për fëmijët dhe të rinjtë tanë.

Është koha të gjejmë forcën dhe kurajën për t?u ngritur mbi dallimet tona, të rrëzojmë muret që na ndajnë dhe të bashkohemi rreth vlerave njerëzore, familjare e kombëtare, të sakrifikojmë diçka tonën për të mirën e përbashkët, të kujdesemi më shumë për njëri-tjetrin dhe ta bëjmë jetën më të mirë, në radhë të parë për ata që kanë më shumë mungesa në këto ditë të bekuara.

Një urim të veçantë kam edhe për Forcat tona të Armatosura kudo ndodhen, për mjekët, infermierët, policët, zjarrfikësit dhe të gjithë ata që kjo natë e Krishtlindjes i gjen në krye të detyrave të tyre, në shërbim të qytetarëve dhe të atdheut?, thekson Kreu i Shtetit./ CNA.al

 





Lajmet e fundit nga