web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Veliaj lë në mëshirë të fatit banorët e Zall Bastarit, shiu izolon familjet

22 Dhjetor 2019, 15:27, Politikë CNA

Ndonëse vetëm pak kilometra larg Tiranës, banorët e fshatit Zall Bastar janë lënë në harresë nga kryebashkiaku i propagandës Erion Veliaj.

Mbi një mijë banorë të këtij fshati janë izoluar pas rrebesheve të shiut që u regjistruan gjatë ditës së sotme.

Përroi që kalon në fshat është fryrë dhe e ka bërë pothuajse të pakalueshme urën skandaloze me dërrasa që lidh banorët me pjesën tjetër të Tiranës.

Nga pamjet e publikuara nga Partia Demokratike shihet se ura është e prishur dhe banorët, përfshirë edhe fëmijët, e kalojnë me shumë vështirësi edhe në ditët me diell.

?Reshjet e shiut kanë krijuar një situatë të rrezikshme në Zall Bastar. Mbi një mijë banorë janë pothuajse të izoluar, pasi e vetmja urë, në gjendje të mjeruar, ështa gati e mbuluar nga uji i vrullshëm i lumit.

Kjo është e vetmja urë, ku nxënësit kalojnë për të shkuar në shkollë dhe, siç tregojnë pamjet, është një rrezik i përditshëm në stinën e shirave.

Prej shumë vitësh banorët kanë protestuar, kanë kerkuar zgjidhje nga qeveria dhe bashkia për një urë të re të sigurtë, por problemi i tyre nuk është zgjidhur.

3 vjet më parë, Erion Veliaj dhe Xhemal Qefaliaj inspektuan punimet e nisura për një urë të re, por në realitet nuk ka asnjë të tillë.

Disa muaj më parë, kur protestuan për urën e munguar, banorët u thanë përfaqësuesve të PD, Gent Strazimiri dhe Abi Malltezi se fondet për urën e Zall Bastarit shkuan në Surrel, për kompaninë e ish kryetarit të komunës Dajt, Kujtim Qefaliaj, njëkohësisht edhe kryetar i njësisë administrative Dajt.

Zall Bastari është pjesë e Bashkisë së Tiranës, por premtimi i Erion Veliajt se ?banorët e periferisë do të trajtohen njësoj si ata në ish Bllok, rezulton një nga mashtrimet e tij të shumta?, deklaron PD./ CNA.al





Lajmet e fundit nga