web counter
LEXO PA REKLAMA!

SHKARKO APP

App Store
Google Play

E fundit!

x

Meta për televizionin boshnjak/ Duhet të na ishin hapur negociatat, koha të shumëfishojmë përpjekjet

22 Dhjetor 2019, 11:06, Politikë CNA

Presidenti Ilir Meta është rrëfyer së fundmi lidhur me hapjen e negociatave, në një intervistë për televizionin boshnjak ?O Kanal?.

Meta tha se ka ardhur koha që të shumëfishohen përpjekjet, pasi Shqipërisë nuk i interesohen që BE të humbë besimin dhe ta shohë si jo serioze.

?Tani është koha që ne të shumëfishojmë përpjekjet tona dhe të konsiderojmë këtë hezitim, mungesën e një vendimi pozitiv, që vjen gjithashtu edhe për shkak të debateve të brendshme dhe reformave brenda Bashkimit Europian, si një test për vendet tona.

Të tregojmë që angazhimi ynë për të zhvilluar vendet tona dhe rajonin bazuar në vlerat europiane është serioz.

Ky është një test që duhet ta kalojmë me sukses dhe duhet gjithashtu të bindim vendet skeptike, që ne jemi vende serioze, ne jemi plotësisht të motivuar dhe mbetemi të angazhuar për të ndërtuar të ardhmen europiane për vendet tona dhe shoqëritë tona dhe që ne meritojmë mbështetje më të madhe në të ardhmen?, u shpreh Kreu i Shtetit, teksa deklaroi se Shqipëria duhet të vazhdojë me reformat.

?Nuk është momenti dhe koha për të treguar se ne nuk jemi seriozë apo që po kërkojmë opsione të tjera, sepse duke bërë kështu ne do t?u shtojmë dyshimet njerëzve brenda BE-së, të cilët janë skeptikë për zgjerimin e Europës në të ardhmen. Gjithashtu, do të dobësonim të gjithë mbështetësit tanë, që kemi brenda BE-së dhe shumica e vendeve dhe forcave brenda BE-së janë pro zgjerimit të unionit dhe përfshirjes së gjithë vendeve të Ballkanin Perëndimor, jo vetëm për Shqipërinë dhe Maqedoninë e Veriut.

Pra, duhet të vazhdojmë me reformat dhe të tregojmë që ne po i bëjmë këto reforma në radhë të parë për qytetarët tanë dhe që nuk mund ta braktisim projektin e BE-së, sepse për ne, vendet në këtë rajon, ky është gjithashtu një projekt thelbësor për të garantuar në terma afatgjatë paqe, stabilitet, bashkëjetesë, respekt për të gjitha minoritetet në këtë rajon, në mënyrë që mos të rikthehemi në periudhën e errët të konflikteve, që kanë shkatërruar njerëzit tanë dhe vendet tona në të kaluarën?, deklaroi ai.

Teksa u pyet nga gazetari se sa mendon se do të presë Shqipëria për hapjen e negociatave, presidenti tha se po priste që vendit tonë t?i ishin hapur negociatat.

?Ne prisnim që kjo të ndodhte që dje, por gjithsesi ne duhet të vazhdojmë me këto reforma, ne duhet të punojmë të gjithë bashkë, jo vetëm me Maqedoninë e Veriut, por dhe me vendet e tjera të Ballkanit Perëndimor dhe me të gjithë partnerët tanë për të përmirësuar ekonominë, për të përmirësuar sundimin e ligjit, për të pasur një klimë më të mirë biznesi për investitorët e huaj, të luftojmë krimin e organizuar, që është një dhimbje koke për shumë vende në BE, për të dekurajuar kërkesat e azilkërkuesve nga Shqipëria në BE, që është gjithashtu një tjetër dhimbje koke për disa vende, që janë skeptike për zgjerimin e BE-së në rajonin tonë?, theksoi Meta./ CNA.al

 

 





Lajmet e fundit nga