web counter
LEXO PA REKLAMA!

SHKARKO APP

App Store
Google Play

PD me propozime konkrete/ “Ja si ta nxjerrim biznesin e vogël dhe vendin nga kriza”

21 Dhjetor 2019, 21:18, Politikë CNA

Drejtori i Kabinetit në PD, Dorjan Teliti ka ngritur akuzat se ekonomia po shkon drejt humnerës, pasi pretendon se qeveria po krihet para pasqyrës së propagandës me shkëlqim.

Teliti  ka zhilluar disa takime me bizneset e vogla në Kamëz dhe deklaron se me dhjetëra biznese kanë ulur qepenat. Sipas tij edhe kur shitësit i hapin qepenat, shpeshherë i mbyllin pa shitur asgjë gjatë gjithë ditës.

?Kudo dëgjoje pothuajse të njëjtat shqetësime, por më kryesoret ishin:
Askush nuk blen.
E vetmja tregti është blerja me listë e që për shitësit është e pamundur të vazhdohet më gjatë pasi po falimenton biznesi.
Nuk ndihet fare që jemi në prag festash, përkundrazi, është përgjysmuar xhiro krahasuar me të njëjtën periudhë të një viti më parë.
Na mbytën kontrollet, po na marrin frymën.
Shumë biznese janë mbyllur, edhe ne që jemi akoma hapur, jemi drejt falimentit – na thonin tregtarët e vegjël? shprehet demokrati.

Teliti kërkon ndërhyrje emergjente, ndaj dhe në emër të Partisë Demokratike bën një ofertë konkrete për rimëkëmbjen ekonomike të biznesit të vogël dhe nxjerrjen e vendit nga kriza.

?Qartë dhe thjeshtë:
1. PA TVSH dhe PA TATIM FITIM për cdo biznes me xhiro vjetore deri ne 140 mijë dollarë. Biznesi vogël do paguajë vetëm një taksë në masën 0.5% të xhiros.
2. PULLA FISKALE në vitrinë, taksidarët larg biznesit, stop kontrolleve abuzive.
3. Ulje deri në 40% të cmimit të energjisë elektrike.
4. Heqje të menjëhershme të taksës Rama mbi karburantet.

PARTIA DEMOKRATIKE ËSHTË GATI TA IMPLEMENTOJË KËTË OFERTË?, thekson ai./ CNA.al





Lajmet e fundit nga