web counter
LEXO PA REKLAMA!

SHKARKO APP

App Store
Google Play

E fundit!

x

Voltana Ademi tërhiqet nga bojkoti/ Shkon në mbledhjen e Këshillit Bashkiak

21 Dhjetor 2019, 20:43, Politikë CNA

Kryebashkiakja demokrate e Shkodrës në detyrë Voltana Ademi ka shkuar për herë të parë në mbledhjen e Këshillit Bashkiak të zgjedhur nga 30 Qershori, duke thyer kështu bojkotin.

Mësohet se Ademi ka marrë pjesë në mbledhjen për miratimin e Paketës Fiskale për vitin 2020, ku ka dhënë disa propozime.

Me disa ndryshime, Paketa Fsikale u miratua me 34 vota pro dhe 1 kundër nga  social-demokrati Andi Halluni.

Ndërkohë që pritet që Voltana Ademi të jetë pjesëmarrëse edhe në mbledhjet e tjera të Këshillit Bashkiak, kryesisht në atë të miratimit të Projekt-buxhetit 2020 që do të mbahet në janar të vitit që vjen.

Pas mbledhjes kryebashkiakja e Shkodrës theksoi se i qëndron vendimit të saj për të mos njohur zgjedhjet e 30 Qershorit.

?Unë jam në krye të drejtimit të Bashkisë së Shkodrës, që përtej gjithçkaje që lidhet me çështje ligjore, që i qëndroj fort, unë kam prezantuar përpara qytetarëve të Shkodrës politikën fiskale dhe buxhetin e Bashkisë. Në këtë kontekst është detyrë dhe përgjegjësi nga ana ime që ta bëj këtë, dhe nuk ka lidhje çfarë përfaqëson kjo trup. Unë dua t’ju jap një informacion të ri, ne vazhdojmë për të drejtën e votës, kam marrë para dy ditësh një letër nga Kongresi i Autoriteteve Lokale e Rajonale Europianë lidhur me shqetësimin për situatën politike në Shqipëri”, tha Ademi për mediat./ CNA.al

 





Lajmet e fundit nga