“Serbia aspak konstruktive”/ Meta: Të ndalojë fushatën kundër integrimit të Kosovës

22 Dhjetor 2019, 11:38, Politikë CNA

Kreu i Shtetit Ilir Meta ka falenderuar sërish të gjitha vendet që u angazhuar për të ndiohmuar Shqipërinë pas tërmetit të 26 nëntorit.

Gjatë një interviste për televizionin boshnjak ?O Kanal? Meta tha se integrimi i qytetarëve të prekur do të marrë disa kohë, teksa tregoi se për momentin qeveria është fokusuar në sigurimin e strehimit dhe shërbimeve të tjera të domosdoshme për të gjithë njerëzit dhe llogaritjen e dëmeve.

Gjithashtu presidenti deklaroi se duhet forcuar bashkëpunimi, ndërsa u pyet nga gazetari nëse ësjtë i kënaqur me reagimin e qeverisë.

?Të gjitha institucionet janë angazhuar menjëherë të përballen me pasojat dhe ato vazhdojnë të përmirësojnë mekanizmat e përballimit të këtyre pasojave. Shqipëria nuk është goditur nga një tërmet kaq shkatërrues prej një kohe të gjatë, por gjithashtu kemi parë dobësitë tona dhe besoj kemi nxjerrë mësimet e duhura se si t?i përmirësojmë ato në të ardhmen.

Ne jemi shumë të kënaqur me reagimin ndërkombëtar. Me reagimin e Kosovës, Maqedonisë Veriore, Serbisë, vendit tuaj, Malit të Zi, Kroacisë dhe vendeve të tjera të rajonit që u përgjigjën menjëherë, erdhën këtu dhe ofruan ekspertizën e tyre?, u shpreh Meta, por nuk preferoi të tregojë një shifër për vlerën e dëmeve.

Për marrëveshjen e mini-shengenit, Kreu i Shtetit tha se kjo duhet të ishte një parakusht për të promovuar dhe konsideruar iniciativa rajonale premtuese dhe të dobishme.

?Iniciativa që ndihmojnë bashkëpunimin tonë janë gjithmonë të mirëpritura, por jo duke provokuar debate të panevojshme, duke u përpjekur për të margjinalizuar dikë ose një vend, apo t?i japësh protagonizëm dikujt tjetër.

Vetëm partneriteti dhe gjithëpërfshirja mund të rrisë besimin mes vendeve, mes njerëzve dhe mund të reduktojë dhe eliminojë të gjitha barrierat, qofshin ato legale, administrative apo burokratike në rajonin tonë?, tha ai, teksa komentoi edhe marrëdhëniet e Kosovës me Serbinë dhe Bosnjë-Hercegovinën.

?Ne e dimë që ka disa vështirësi, por ne shpresojmë dhe lutemi që këto vështirësi do të tejkalohen me maturinë e liderëve të vendit tuaj, sepse ka vetëm një rrugë për të gjithë qytetarët e Bosnjës, që të lihet pas një herë e mirë e shkuara e hidhur dhe kjo është bashkëjetesa dhe harmonia midis të gjithë atyre që jetojnë në Bosnjë-Hercegovinë, integrimi europian, dhe gjithashtu të pasurit marrëdhënie të shkëlqyera me të gjitha vendet tuaja fqinje si Serbia, Kroacia dhe Mali i Zi?.

?Kur ata vendosën të vinin taksën nuk më pyetën, por unë nuk jam pro shtimit të barrierave në marrëdhëniet midis vendeve në rajon, sepse e ardhmja duhet të jetë bashkëpunim i hapur dhe pa kufij dhe pa pengesa.

Ne të gjithë synojmë të bëhemi pjesë e Bashkimit Europian. Ndaj shpresoj që Kosova të shqyrtojë sa më shpejt që të jetë e mundur mundësinë e përmirësimit të mëtejshëm të tregtisë dhe marrëdhënieve të përgjithshme, jo vetëm me Bosnjën, por edhe me Serbinë. Kjo do të ishte shumë e dobishme.

Gjithashtu nga ana tjetër, Serbia duhet të ndalojë këtë fushatë kundër integrimit të Kosovës në nismat rajonale ose institucionet ndërkombëtare. Siç është edhe për shembull anëtarësimi në Interpol.

Të gjithë në rajon janë të vetëdijshëm se krimi i organizuar është një nga problemet kryesore në të gjitha vendet tona dhe anëtarësimi i Kosovës në Interpol ndihmon bashkëpunimin, jo vetëm të Kosovës me Interpolin, por për të gjithë rajonin është një kontribut për të luftuar krimin e organizuar nga ky rajon.

Nuk e kuptoj pse Serbia do të merrte një pozicion të tillë, sipas meje, jo shumë të arsyeshëm dhe aspak konstruktive.

Sidoqoftë, unë besoj në dialog, në partneritet dhe shpresoj që së shpejti palët të ulen në tryezën e dialogut dhe ne jemi fuqishëm pro normalizimit të plotë të marrëdhënieve mes Kosovës dhe Serbisë?, theksoi Meta./ CNA.al