web counter
LEXO PA REKLAMA!

SHKARKO APP

App Store
Google Play

Kriza kaplon bizneset e Beratit/ Një javë përpara Vitit të Ri, blerjet pothuajse zero

22 Dhjetor 2019, 19:42, Politikë CNA

Kryetari i degës së PD në Berat, Gazment Hazizi së bashku me Florian Mimën dhe Eno Bozdon kanë zhvilluar takime me disa prej bizneseve që vogla që operojnë në Rajonin Nr.2 të qytetit të Beratit.

Hazizi thotë se të gjitha bizneset kishin të njëjtat shqetësime, rënia e fuqisë blerëse jo vetëm si rezultat i krizës ekonomike por, edhe si pasojë e largimeve në masë të qytetarëve beratas.

?Sikur të mos mjaftonin këto, taksidarët, qëndror dhe lokalë janë një hall më vete.
Ata mesa duket e kanë kuptuar qartë KÇK-në e Ramës.
Megjithëse jemi një javë përpara festës së ndërrimit të viteve, blerjet për këtë ditë janë pothuajse zero.
Kriza e thellë ekonomike, taksat dhe tarifat e larta si dhe mungesa e vëmendjes së kësaj qeverie po zhysin përherë e më shumë në një dëshpërim të thellë qytetarët shqiptarë?, shkruan Hazizi.

Ai shprehet se PD ka një zgjidhje për këtë situatë.

?Taksa e sheshtë prej 9%, vendosja e pullës fiskale që asnjë agjent tatimor, qendror apo lokal mos të sillet si xhambaz, bizneset e vogla do të tatohen me 0.5% të xhiros. Subvencionime dhe lehtësim të konsumit përmes politikave fiskale. Korrupsioni, evazioni dhe krimi financiar nuk kryhen nga biznesi i vogël por nga bizneset e lidhura me qeverinë?, përfundon Hazizi./CNA.al





Lajmet e fundit nga