web counter
LEXO PA REKLAMA!

SHKARKO APP

App Store
Google Play

E fundit!

x

Aktivistja e re Greta Thumberg bën bujë/Figura e vitit 2019 për Revistën TIME

11 Dhjetor 2019, 16:58, Kosova & Bota CNA

Aktivistja më e re për mbrojtjen e mjedisit dhe ndryshimet klimaterike, Greta Thunberg, është shpallur figura e vitit 2019 për revistën TIME.

Aktivistja 16-vjeçare arriti që gjatë këtij viti t?u jepte frymë shqetësimeve universale mbi ngrohjen globale, duke i konvertuar këto shqetësime në problematikë globale për ndryshimin e vetëdijes që kryesisht krerët e shteteve duhet të kenë mbi politikat për mbrojtjen e planetit.

Adoleshentja suedeze Greta Ernmann Thunberg, e lindur më 3 janar 2003 punon për të luftuar ngrohjen globale dhe ndryshimet klimaterike. Ajo është përshkruar si një model i aktivizmit global të rinisë dhe një simbol i vetëdijes ekologjike për mbarë planetin.

Aksioni i saj ka filluar në gusht të vitit 2018, duke qenë pjesë e protestave të vazhdueshme mbi ndryshimet klimaterike, të bëra jashtë Parlamentit Suedez në Stokholm. Vëmendjen e mediave aktivistja e re e tërhoqi me anë të fjalimit të saj të zellshëm në TEDxStockholm në nëntor të vitit 2018, ndërsa në dhjetor të po atij viti ajo ishte folësja kryesore në Konferencën e Kombeve të Bashkuara për ndryshimet klimaterike, konferencë kjo që e bëri të famshme botërisht.

Thunberg ka marrë çmime dhe nderime të rëndësishme për aktivizmin e saj. Në Mars të vitit 2019, tre deputetë të parlamentit Norvegjez dhe dy të parlamentit Suedez e nominuan atë si kanditate për çmimin Nobel për Paqen. Në maj të vitit 2019 ajo u shfaq në kopertinën e revistes Time ku edhe ndau një mesazh global rreth ngrohjes globale./CNA.al





Lajmet e fundit nga