web counter
LEXO PA REKLAMA!

SHKARKO APP

App Store
Google Play

E fundit!

x

Zhduket avioni ushtarak me 28 persona në bord/ Çfarë dyshohet

10 Dhjetor 2019, 17:48, Kosova & Bota CNA

Një avion ushtarak në Kili i cili po fluturonte drej Antartikut gjatë mbrëmjes së djeshme, është deklaruar i zhdukur.

Raportohet se në bord ndodheshin 38 persona, ndërkohë dyshohet se ky avion i Forcave Ajrore, është rrëzuar.

“Avioni dyshohet të jetë rrëzuar, duke marrë parasysh se sasia e karburantit dhe rezervat e aeroplanit duhet të kenë mbaruar tashmë”, tha Gjenerali Francisco Torres në një konferencë për shtyp në ditën e sotme.

Sipas Forcave ajrore të Kilit, avioni C-130 Hercules ishte nisur nga kryeqyteti Kilian, Santiago dhe ishte ndalur për pak kohë në Punta Arenas pranë majës jugore të vendit. Avioni me katër motorë më pas ka vazhuar rrugën drejt bazës së Antarktikut. Në këtë pikë janë humbur kontaktet me të, gjë që rezulton të ketë ndodhur rreth orës 6 të mëngjesit.

?Në bord ishin 17 anëtarë të ekuipazhit dhe 21 pasagjerë të tjerë, të cilët ishin në rrugën e tyre për të kryer “detyra të mbështetjes logjistike”, siç është riparimi i tubacionit të naftës që siguron karburant për bazën. Ky personel u përkiste forcave të armatosura, një firmë inxhinierike dhe Universitetit të Magallanes?, thanë Forcat Ajrore të Kilit.

Pasi avioni humbi kontaktet, Forcat Ajrore deklaruan një gjendje gatishmërie dhe mobilizuan një ekip kërkimi dhe shpëtimi, duke aktivizuar burimet e Forcave Ajrore në Santiago dhe në rajonin Magallanes në jug të Kilit./CNA.al





Lajmet e fundit nga