web counter
LEXO PA REKLAMA!

SHKARKO APP

App Store
Google Play

E fundit!

x

Ftesa për dialog/ Oketa: Rama e do Bashën për foto

8 Dhjetor 2019, 18:03, Politikë CNA

Anëtari i Këshillit Kombëtar të Partisë Demokratike, Gazmend Oketa, ka reaguar pas ftesës që kryeministri Rama i bëri sërish sot liderit të opozitës, Lulzim Basha.

Sipas Oketës, opozita e ka bërë detyrën e saj, duke mos e përdorur politikisht këtë fatkeqësi natyre, ndryshe nga çfarë po bën Rama sipas tij.

?Solidariteti ka shkuar dhe te politika, për gati një javë nuk ka pasur sulme, akuza politike, i referohem opozitës se mazhoranca nuk ka se çfarë akuzash ti bëjë opozitës.

Do të ishte fundi i botës nëse do të akuzonte opozitën dhe për tërmetin.Është një lëvizje e duhur e opozitës që nuk akuzoi askënd për asgjë.

Ftesa e kryeministrit Rama është absolutisht  e pasinqertë, është një ftesë për të bërë një fotografi me kryetarin e opozitës.

Do të ishte e sinqertë në rast se Rama do të tregohej i sinqertë në raport me bashkëpunëtorët e tij. Edhe në këtë rast, ai ka marrë një iniciativë tejet personale.

Edhe një krizë që është mirëfilli që duhet menaxhuar nga specialistët i jepet një ngjyrim shumë i fortë politik. Mjafton rasti i debatit të Ministrit të Brendshëm me drejtuesin urbanistik të bashkisë së Lezhës?, është shprehur Oketa në një intervistë për RTV Ora./CNA.al





Lajmet e fundit nga