web counter
LEXO PA REKLAMA!

SHKARKO APP

App Store
Google Play

E fundit!

x

Nisin hetimet pas tërmetit/ Prokuroria sekuestron dokumenta në zyrat e Urbanistikës

5 Dhjetor 2019, 19:16, Aktualitet CNA

Prokuroria ka nisur hetimet për veprat penale ?Ndërtim pa leje? dhe ?Shpërdorim detyre? 3 ditë pas tërmetit të 26 nëntorit.

Dyshimet kryesore në Durrës janë se pasojat e tërmetit, kanë ardhur si shkak i ndërtimeve pa leje dhe të moskryerjes së detyrës nga inxhinierët zbatues dhe personave përgjegjës.

Gjithashtu dyshohet se shkak është edhe mospërmbushja e rregullt e detyrës nga nëpunësit shtetëror të ngarkuar me mbikëqyrjen e këtyre ndërtimeve.
Ndërkohë pjesë e hetimit pritet të jenë shumë banorë, marrja në pyetje e të cilëve do të bëhet në një fazë të dytë.

Bëhet me dije se një grup prokurorësh po verifikon institucionet që kanë miratuar lejet e ndërtimit dhe nëse ato janë zbatuar siç duhet nga ndërtuesit.

Prokuroria e Tiranës i ka kërkuar informacione paraprake Bashkisë së Tiranës për banesat me dëme dhe të klasifikuara jo në kushtet e duhura për banim.
Në Krujë organi i akuzës nuk ka regjistruar procedim, por nga ana tjetër në terren janë marrë të gjitha provat e mundshme.
Sipas TV ?A2-CNN?, prokurorët dhe oficerët gjyqësore ishin në Thumanë, ku u shembën tre pallate, e ku humbën jetën 24 persona. Ata kanë kryer të gjitha veprimet për mbledhjen e provave. Verifikimi është shtrirë edhe në shumë shtëpi e objekte të tjera të dëmtuara. Në cilësinë e provës materiale janë marrë mbetje të ndërtesave, si dhe janë siguruar edhe kopje të raportit të grupeve të konstatimit të dëmeve. Sekuestrime ndërkohë janë bërë në zyrat e urbanistikës për projektet, lejet e ndërtimit dhe aktet e kolaudimit.





Lajmet e fundit nga