web counter
LEXO PA REKLAMA!

SHKARKO APP

App Store
Google Play

"Konkurs bukurie në kohën e mortjes"/ Bledi Mane: Luljeta Bozo meriton kurorën e Miss Shqipërisë

5 Dhjetor 2019, 16:58, Aktualitet CNA

Gjatë këtyre ditëve të vështira për të gjithë shqiptarët, inxhinierja Luljeta Bozo u mundua të qetësojë situatën dhe i tregoi qytetarëve se cila banesë quhej e pabanueshme.

Për këtë ka marrë vlerësime të shumta nga persona publikë dhe më i fundit është  gazetari Bledi Mane.

Me anë të një postimi në rrjetet sociale, Mane thotë se në këtë “kohë mortje”, Luljeta Bozo meriton kurorën e Miss Shqipërisë, pasi thotë se ka fituar përgjithmonë dashurinë e të mbijetuarve.

Komenti i Bledi Manes:

KONKURS BUKURIE NË KOHËN E MORTJES

Ka qysh prej vitit të largët 1998 që organizon konkursin e bukurisë kombëtare “Miss Shqipëria”. Lodhet e rropatet duke udhëtuar në fshatra, qytete madje edhe jashtë vendit për të gjetur vajza simpatike e të hijshme. Dikush pranon, dikush refuzon, një tjetër e kërcënon por gjithësesi spektakli i vajzave të bukura shqiptare ka 21 vite që nuk ndalet…
Po shkruaj për regjizorin televiziv Petri Bozo mundimi i të cilit duket i pa vlerë. Po, po i pa vlerë dhe kohë e humbur. Kërkon çdo vit vajza buzëtrasha, cicëmëdha, të gjata, syshkruara ndërkohë që sytë e tij janë verbuar. Një verbim provizor pa asnjë simptomë por që nuk i falet. Lodhje kuturu nëpër Shqipëri duke kërkuar vajza bukuroshe ndërkohë prej dekadash brenda shtëpisë së regjizorit Petri Bozo qëndron ajo, fisnikja, simpatikja, intelektualja dhe profesionistja e inxhinierisë së ndërrimeve. Luljeta Bozo, nëna e tij, pedagogia dhe shkencëtarja që as nuk plaket por vetëm rinohet dhe shpërndan eliksirin e profesionit të saj përzjerë me paqe, me durim, me zbehjen e brengës e të dhimbjes.
E kuptuat verbërinë e regjizorit?
Luljeta Bozo, nëna e tij nuk fiton një herë në vit një çmim bukurie dhe zhduket nga skena por ka fituar përgjithmonë dashurinë e ne të mbijetuarve, ne të gjallëve.
Kush e ka kurorën e Miss Shqipërisë?
Dorëzojeni se do e zbukurojmë me diamante dhe do ia japim më të bukurës vajzë shqiptare, do ia japim Luljeta Bozos Luljeta Bozos!/ CNA.al





Lajmet e fundit nga