web counter
LEXO PA REKLAMA!

SHKARKO APP

App Store
Google Play

Nëna e Bleona Matës akuza të forta për ish-bashkëshortin/ Mund të dijë diçka për zhdukjen e vajzës

5 Dhjetor 2019, 18:21, Aktualitet CNA

Nëna e Bleona Matës, Bukurie Mata ka bërë deklarata të forta për zhdukjen e së bijës gjatë një interviste për News 24.

Bukurie Mata tha se sot pas 10 vitesh, i ka humbur totalisht shpresat se shteti shqiptar do bëjë të mundur gjetjen e vajzës së saj.

?Ka 10 vite që është zhdukur vajza ime dhe nga shteti nuk kemi asnjë informacion, asnjë dritë jeshile për gjetjen e Bleonës, për bijën time të vetme.

Unë i kisha kërkuar drejtësisë, që 10 vite radhazi 5 kriminelët rrinë të lirë, 5 dëshmitarët rrinë të lirë, 5 vajzat që e zhdukën Bleonën janë të lira.

Unë e kam humbur besimin te shteti, unë pres çdo ditë më të mirën për Bleonën. Unë do ta kërkoj në rrugë private, në të gjitha institucionet e tjera, por i lutem edhe njëherë shtetit të marrë masa për gjetjen e Bleonës, të marrë edhe njëherë në pyetje 5 kriminelët që rrinë të lirë. Unë dua të vërtetën për gjetjen e Bleonës.

Dua një siguri, një pikë jeshile, një drejtim në gjetjen e saj, ndaj uniformës blu. E kam humbur besimin te drejtësia shqiptare, sepse 10 vite nuk kam asnjë pikë në gjetjen e Bleonës ndaj uniformës blu?, u shpreh Bukurie Mata.

Ndërkohë ajo ka ngritur akuza të forta ndaj ish-bashkëshortit të saj Zamir Mata, pasi pretendon se ky i fundit ka gisht në lidhje me zhdukjen e Bleonës në vitin 2010.

?Jo, nuk kemi asnjë lidhje, jemi ndarë me gjykatë. Ai si prind asnjëherë nuk e kërkon fëmijën, unë nuk e di çfarë prindi është ai. Çfarë babai është, sa i pamëshirë është, edhe këtu mund të hedhim dyshime se mund të dijë diçka dhe ai, bashkë me motrën e vet.

Po na bën të dyshojmë, se 10 vite nuk bën asnjë thirrje për gjetjen e Bleonës. Vjehrri jonë e bën ndonjë thirrje shumë të rrallë?, thekson ajo./ CNA.al





Lajmet e fundit nga