E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Marku s’vinte nga e majta, por hëngri presionin”/ Artan Hoxha: Ja çfarë duhet të bëjë Çela

5 Dhjetor 2019, 17:57, Aktualitet CNA

Gazetari Artan Hoxha foli për emërimin e Olsian Çelës si Prokuror i Përgjithshëm dhe largimin e Arta Markut nga ky post, teksa ishte i ftuar në studion e lajmeve të ABC News.

Hoxha tha se Marku nuk ka ardhur nga radhët e mazhorancës, por sipas tij iu dorëzua pushtetit për shkak të presionit të madh nga të dyja palët politike.

?Në momentin që zonja Marku erdhi në Parlament ishte një emër krejt i padëgjuar. Mënyrën se si funksionon kjo mazhorancë ne e dimë. Nuk besoj se aty ka ndodhur një gjë që Rama nuk e dinte. Në momentin që zgjidhet një emër do kalojë në filtrin e Ramës. Marku nuk vinte nga e majta, po ajo u vu nën trysninë e presionit, por e hëngri presionin dhe iu dorëzua pushtetit dhe sot mori pak vota.

Zonja Marku gëzoi një Prokurori të shpartalluar, dëmi që ka bërë zoti Llalla për mua do një dekadë të mirë ta marrë veten. Dëmi që i shkaktoi ai Prokurorisë është i jashtëzakonshëm. Ajo trashëgoi një organ mjaft të dëmtuar edhe në strukturë, sidomos nga ky tërmeti?, deklaroi gazetari, ndërsa pretendon se ish-kryeprokurorja nuk arriti dot të bëjë rolin e lideres.

?Zonja Marku nuk arriti dot duke mos pasur as eksperiencën, as elementët e të qenurit lider dhe sot jemi në situatën që zonja Marku nuk na çoi më mirë, por ajo nuk kishte mundësi të bënte dëm më të madh se Llalla, se ligji nuk ia lejonte. Ajo iu dorëzua presionit se ka pasur presion nga dy palët. Zonja Marku nuk tregoi në asnjë moment të qenit lider pavarësisht se kishte mbështetjen e ndërkombëtarëve?, theksoi Artan Hoxha.

Gjithashtu gazetari foli edhe për Çelën, për të cilin tha se duhet t?ja bëjë të qartë politikës që askush të mos guxojë të fusë hundët në detyrën e tij

“Ky prokuror ka drejtuar Krimet e Rënda dhe mund ta drejtonte edhe më mirë. Unë dua që ai të mos më zhgënjejë, të tregojë që është lider dhe të kthejë besimin e qytetarëve te drejtësia

Duhet t?ja bëjë të qartë politikës që askush të mos guxojë të fusë hundët në detyrën e tij. Dhje tjetra është se ai duhet të hartojë një strategji komunikimi me qytetarët. Ai duhet të bëjë fiks atë platformë që paraqiti në komision. A do ketë pengesa. Sa të duash. Ai sot është i pa bërë pis dhe është futur në mes të gjirizit, në mes të baltës?, u shpreh Hoxha./ CNA.al