web counter
LEXO PA REKLAMA!

SHKARKO APP

App Store
Google Play

Skandal në Librazhd/ Bashkia “shpërblen” kompaninë që masakroi dhjetëra hektarë pyje  

25 Nëntor 2019, 09:48, Politikë CNA

Bashkia e Librazhdit ka dhënë se fundi një tender, që lejon prerjen e dhjetëra hektarëve pyje në zonën e Njësisë Administrative Polis.

Bëhet fjalë për kompaninë ?AL-MEXWOOD?, ndërsa leja është dhënë Kreu i Bashkisë së Librazhdit, Kastriot Gurra.

Por, ka edhe një tjetër detaj. Kompania e cila ka fituar tenderin për  të prerë pemë në këtë ekonomi pyjore, është e njëjta kompani që më parë ka ?masakruar? pa leje pyjet.

Mësohet se ?AL-MEXWOOD? është gjobitur në janarin e vitit 2017, pasi ishte konstatuar se po transportonte dy ngarkesa me lëndë drusore të pamarkuar.

Madje, kapja e kësaj kompanie është bërë pikërisht në Njësinë Administrative Polis, në të njëjtin vend që kjo kompani ka fituar së fundmi edhe tenderin për të prerë me leje.

Pra, mesa duket pasi është kapur duke prerë pyjet pa leje, kompania në fjalë është ?shpërblyer? nga Bashkia.

Ndërkohë, kujtojmë këtub se në lidhje me tenderin në fjalë më parë ka pasur edhe një denoncim nga zëdhënësja e PD, Ina Zhupa, sipas së cilës Kompania ?Al-Mexëood?sh.p.k? ka marrë pjesë në tender në kundërshtim me ligjin ?Per prokurimin Publik?, pasi rezulton me detyrime të pa paguara , konkretisht ndaj Inspektoriatit Shtetëror të Mjedisit dhe pyjeve në vlerën 126.000 Leke.

Sipas urdherit të përmbarimit për sekuestro nr.2012 datë 10. 10.2019 është vendosur sekuestro mbi këtë kompani për shkak të ndërshkimit me gjobë per prerjen e pyjeve ne kundërshtim me ligjin.

Nga ana tjetër në lidhje me këtë rast ka reaguar edhe ambientalisti Sazan Guri.

Në një postim në rrjetet sociale, Guri shkruan ?Ja kompanite e druve ne Librazhd, Polis, qe gjoja presin per banore e shkretojne pyllin per politikanet hamshore.

Shikoni dredhite. Kompania e ka bere zullumin me pare duke e prere pyllin, tani merr leje per te kaparosur me ligj zullumin, edhe kur ai eshte i holle si fije qe duhej te keputej, edhe kur eshte i trashe qe duhej te thyhej. asnje gjemb ne kembe, Por, Bashkia Librazhd ja qeron gjembat dhe deputeti i zones ja mjekon ato, ndersa politika e larte ja sheron ato……?./ CNA.al





Lajmet e fundit nga