web counter
LEXO PA REKLAMA!

SHKARKO APP

App Store
Google Play

"Vendi i udhëhequr nga një grup i strukturuar kriminal"/ Basha tregon se si u shpartallua Rilindja

24 Nëntor 2019, 17:46, Politikë CNA

Kryetari i Partisë Demokratike Lulzim Basha, gjatë konferencës për shtyp me gazetarët mbrëmjen e sotme, teksa rithekson edhe njëherë qëndrimin e Partisë Demokratike kundër shit-blerjes së votës, është shprehur se përfshirja në zgjedhje e personave me rekorde kriminale kanë shpartalluar Rilindjen.

Sipas kreut të demokratëve, vendi është i udhëhequr nga një grup i strukturuar, që e ka tmerr reformën në drejtësi.

?Rama e vazhdon propagandën, por kësaj here nuk mund të bëjnë asgjë. Duhet të votojmë reformën zgjedhore. Duhet që të ngrihet Gjykata Kushtetuese. PD është në papajtueshmëri totale me ata që kanë blerë dhe shitur votën gjatë zgjedhjeve. Ata duhet të hetohen dhe të dërgohen aty ku e kanë vendin, sipas ligjit, në burg. Nga ana tjetër, duke pasur shpartallimin total të Rilindjes, që shkoi në zgjedhje edhe vetëm me persona me rekorde kriminale, tashmë CDU gjermane kërkon zbatimin pa ekuivok të dekriminalizimit.

CDU shpreh nevojën urgjente të shkatërrimit të krimit dhe të mbjelljes së kanabizimit. CDU po ashtu kërkon shkatërrimin e të gjitha organizatave kriminale. Po ashtu, kërkohet depolitizimi i Administratës. Presidenti Meta ka të drejtë. Edi Rama, Ëngjëll Agaci, Ulsi Manja etj ndikojnë në institucione, sepse Reforma në Drejtësi janë ankthi dhe tmerri i këtij grupi të strukturuar. Sot të gjithë e dinë sesi Rama e politikanët pastrojnë paratë e aktivitetit të drogës?, deklaroi Basha./CNA.al





Lajmet e fundit nga