E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ilir Meta, lideri i ri i opozitës

25 Nëntor 2019, 20:12, Opinione CNA

Sot në daljen e tij publike të radhës, Presidenti i Republikës Ilir Meta ishte më i qartë se asnjëherë tjetër.

Pas paralajmërimit për një dalje në shesh apo protestë në 8 dhjetor, Ilir Meta duket qartë se po e çon veten apo po luan si një lider i vërtetë i munguar të opozitës në Shqipëri.

Ai njihet për karizmën e tij për forcën politike, është një lojtar i vërtet klasi, është një usta i vjetër politik, nuk është si Luli. Luli fle, tërhiqet, e përdorin, keqpërdoret etj. Ndërsa, Ilir Meta ka treguar se është i fortë, i ashpër në betëjën e tij dhe rrallë bën pas.

Presidenti e ka thënë qartë se do të dal në shesh dhe do të tërhiqet nga politika nëse nuk bën atë që ka premtuar. Pra nuk do të jetë më as në Tiranë në qoftë se ai humbet betejën me kryeministrin Rama. Tashmë Edi Rama ka përballë një lider të ri opozite dhe ai e ka emrin Ilir Metën.

Lulzim Basha e ka lëshuar të gjithë terrenin e tij, është jashtë çdo skenari politik. Është i paaftë dhe nuk po mundet dot të ngrejë forcën opozitare. Nga posti i Presidentit të Republikës, Meta ka marrë frenat e opozitës në dorë. Në 8 dhjetor në shesh. Nuk ikën pa fitore, pra të kundërtën e asaj që bëri Basha, që tërhoqi protestat dhe u tall me 30 Qershorin apo me ?Çadrën? 2 vite më parë.

Ilir Meta sot duket qartë se është rivali i ri i Edi Ramës dhe problemi më i madh i kryeministrit. Pra përballë dhe në krye të opozitës kryeministri nuk do të ketë më përballë Lulin, por Ilir Metën.

Fatin e Bashës duhet të presim ta shohim.

Me të gjitha gjasat duket se Presidenti po fiton sot edhe simpatinë e të gjithë demokratëve, mjafton sot të shikoje mbështetjen që i jepnin militantët e PD-së, deputet, ish deputet të cilët premtonin se do të ishin në shesh, por edhe simpatizantë të tij, të cilët e shohin Presidentin si ?luftëtarin? përballë kryeministrit Rama.

Tek Basha nuk beson më askush, ndoshta vetëm dy persona në Shqipëri e duan Bashën në krye të PD-së, bashkëshortja e tij Aurela dhe Edi Rama. Të tjerët e shikojnë si një politikanë të pashpresë dhe këtë Ilir Meta e ka kuptuar, sepse e sheh terrenin zbuluar, e sheh se ka hapsirë për të luftuar dhe ka marrë rolin e një opozitari.

Lideri i ri i opozitës e ka emrin Ilir Meta. Ai është thjesht dhe vetëm përkohëshisht President dhe me sa duket në të ardhmen do ta shohim në krye të opozitës duke drejtuar gjithçka kundër Edi Ramës.

Për të parë se çdo të ndodh do të na duhen dhe pak javë, por Presidenti ynë tashmë është shumë i qartë. Ai është kryeopozitari dhe lideri i ri kundër Edi Ramës./CNA.al