E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Këmbët përpjetë të kunatit dhe humoristëve

24 Nëntor 2019, 13:27, Opinione CNA

Mediat dje dhe sot, raportuan me foto një udhëtim të kreut të Republikës së Re, Lulzim Basha, i shoqëruar nga bashkëshortja e tij në avion. Një foto ku bashkëshortja me këmbë përpjetë lexonte libra dhe Luli dëgjonte muzikë në kufje.

Për të dhënë detaje në lidhje me këtë udhëtim ka reaguar vetë zëdhënësi jo zyrtar i PD-së, Erion Isufi, kunati i Lulzim Bashës.

Në rrjet,”çeta e ushtarëve” me dhe pa pagesë, apo servilët e radhës që duan të mbrojnë Lulin kanë dalë në mbrojtje të kryetares së Republikës së Re, zonjës Aurela. Është dhënë urdhëri për ta mbrojtur, se nuk kish asnjë çudi në atë foto dhe nuk kish asnjë problem. Oborri ka edhe zëdhënës edhe kllouna me shumicë.

Këtë që tha Erion Isufi e thonë dhe disa humoristë të tjerë apo qesharakë që i vijnë vërdallë opozitës. Po, nuk ka asnjë çudi në atë foto, Erion!

Nuk ka asnjë çudi në fakt kur shikon se dikush po lexon një libër apo dikush tjetër po dëgjon muzikë. Nuk janë ato çudia. Çudia është tek këmbët përpjetë, tek arroganca që tregojnë ato, për të cilën ti nuk ke thënë asnjë fjlalë.

Për me tepër është normale një udhëtim i tillë, duke dëgjuar muzikë dhe lexuar libra, por jonormalja është sesi kryetari i Republikë së Re, njeriu që na flet për shqiptarët e mjerë, udhëton në biznes klas me bashkëshorten e tij, duke paguar disa mijëra euro biletën, ndërkohë që fluturimet në Europë maksimumi zgjatin dy orë apo dy orë e 30 minuta. Kjo tregon arrogancën e luksit dhe të parasë së një oligarku, si vetë Lulzim Basha.

Nuk ka asgjë jo normale në atë foto, ku shikon se dy bashkëudhëtarë, mbajnë qëndrim ndaj njëri-tjetrit, mos vallë janë hidhëruar? Mos kemi ndonjë problem?

Ti si zëdhënës jo zyrtarë i partisë dhe i familjes a mund të na e sqarosh, çfarë ka ndodhur me të dy, që qendrojnë kaq menjëanë?

Biletat, fundja, po paguhen nga kuotat e demokratëve të varfër e nëse nuk i kanë paguar ata, por i ka paguar Landmark, na e thuaj dhe këtë. Apo vetë Luli nga rroga që merr si kryetar i PD-së, nga rroga që ka marrë si deputet dhe si ministër i PD-së, ta dimë dhe këtë.

Nuk ka asgjë jo normale në atë foto. Gjithçka është normale, ashtu si xhiroja e ?Landmark Comunication? e cila ka qenë 10 herë më e vogël në vitin 2013 dhe është shtuar fort gjatë qëverisjes së rilindjes. Pikërisht për të tilla udhëtime, arrogante që kushtojmë më mijëra euro, me fluturime luksi më këmbë përpjetë, duke treguar arrogancën e Republikës së Re.

Tani, edhe ti bashkë me ata që fluturonin, duke mbrojtur kryetaren reale të Republikës së Re, vazhdoni se asgjë jonormale nuk ka në atë fluturim. Ashtu sikundër nuk ka asgjë jonormale me situatën brenda opozitës. Ashtu si nuk ka asgjë jonormale me situtuatën në Shqipëri. Ashtu si kurrë më parë, nuk ka asgjë normale me kompaninë tënde Erion apo kllounat që ke në shërbim.

Gjithçka është normale! Edhe këmbet përpjetë! Edhe biletat e shtrenjta! Edhe xhiroja e rritur e kompanisë tënde! Edhe vilat ne rezidencat e oligarkëve! Dhe shantazhet dhe gjobat ndaj mediave! Edhe kërcënimet që i bëjnë biznesit! Të gjitha këto janë krejtësisht normale!

Përpara Erion, me Lulin në krye të PD-së dhe Aurelën kryetare të vërtetë të saj!/CNA.al