E fundit!

19:38 Aktualitet

Pakënaqësi për kandidatët e propozuar?/ Debat mes anëtares së Këshillit Kombëtar dhe Berishës

Mbledhja e Këshillit Kombëtar të PD-së është shoqëruar me ...

"S'ka afat për Presidentin!"/ Meta akuza KED: Dërgimi i listave, absurde, e turpshme dhe mafioze

13 Nëntor 2019, 19:59, Politikë CNA

Presidenti i Republikës Ilir Meta ka dalë në një konferencë për shtyp pas reagimeve të ashpëra pas vendimit të tij për të dekretuar Marsida Xhafellari si anëtare të Gjykatës Kushtetuese.

Në fjalën e tij, Meta i është kthyer me tone të ashpra Këshillit të Emërimeve në Drejtësi, duke theksuar se mosndjekja e radhës është e turpshme dhe Mafioze.

Ndërsa thekson se ?detyra e KED të rregullojë listat e vakancave të kandidatëve, të kritereve dhe të afateve, që të respektohet Kushtetuta, të respektohet ligji, dhe të mos kemi përplasje mes institucioneve?, Meta është shprehur se ndërhyrja e këtij institucioni dhe lojrat për përzgjedhjen e anëtarëve, ka vendosur në pozitë Presidentin të shkelë Kushtetutën.

?Dua të keni të qartë se ju dhe çdo qytetar në Republikës së Shqipërisë se nuk ka një afat të caktuar për Presidentin e Republikës, por vetëm për Parlamentin sepse është një institucion kolegjial. Kushtetuta është mbi çdo gjë, aq më tepër kur bëhet fjalë për krijimin e Gjykatës Kushtetuese. Momenti i krijimit të Gjykatës Kushtetuese është historik, por është e rëndësishme të respektohet Kushtetuta për krijimin e saj.

Çdo akt në këtë proces, i Presidentit, Parlamentit dhe gjithë institucioneve të përfshira është historik sepse do të mbetet si precedent për brezat e ardhshëm.

Dua të keni të qartë që KED është një institucion administrativ.

Kushtetuta tregon se Presidenti ka të drejtën të thyej vakancën e parë dhe më pas vijon me Parlamentin. Është detyra e KED të rregullojë listat e vakancave të kandidatëve, të kritereve dhe të afateve, që të respektohet Kushtetuta, të respektohet ligji, dhe të mos kemi përplasje mes institucioneve.

Nuk është e kundërta, që KED, që është institucion kolegjial, apo akoma më keq, kryetari i KED, të bëjë lojëra të karakterit administrativ, duke vendosur vetë kohën se si i dërgon listat, në mënyrë të tillë tepër të dyshimtë, madje mafioze, që të vendosë Presidentin në këtë pozitë, që o të shkelë detyrimisht Kushtetutën, dhe pastaj Parlamenti me të drejtë do ta anatemoj për shkelje të Kushtetutës, që thotë qartë se presidenti plotëson vakancën e parë dhe parlamenti të dytën, ose me interpretime qesharake dhe absurde thotë se i ka mbaruar afati presidentit, kjo është absurde, e turpshme, mafioze?, është shprehur ndër të tjera Meta.