web counter
LEXO PA REKLAMA!

SHKARKO APP

App Store
Google Play

E fundit!

x

"Shpërfillja e radhës, shkelje kushtetuese"/ Ngërçi për GJK, Jordan Daci tregon zgjidhjen

13 Nëntor 2019, 16:18, Politikë CNA

Juristi Jordan Daci, duke folur për ngërçin President-Kuvend në përzgjedhjen e anëtarëve  të kushtetueses, me fjalë të tjera, është shprehur se ekziston një radhë dhe shpërfillja e saj përbën shkelje kushtetuese.

Sipas Dacit, radha President-Kuvend-Gjykatë e Lartë është e shkruar në Kushtetutë, mirëpo në varësi të situatës në të cilën ndodhemi, për përmirësimin e gjyqësorit dhe funksionimin e Reformës në Drejtësi, duhet shkuar drejt ndryshimeve kushtetuese.

Për juristin, dalja nga kjo situatë e patolerueshme  mund të arrihet vetëm me bashkëpunimin e palëve.

?Eshtë një situatë e patolerueshme. Ishte dhe është akoma mundësia që këto gjykata t?i ngrem me njerëz me dinjitet. Se çfarë ka ndodhur me kushtetuesen të gjithë e dim.  Dihet debati për radhën, e cila është e përcaktuar qartë në Kushtetutë që eillohet nga Presidenti dhe më pas vijon me Kuvendin dhe Gjykatën e Lartë. Këtu lind problemi, sepse nuk kemi një Gjykatë të Lartë funksionale.

A kemi shkelje kushtetuese? Unë normalisht refuzoj të them që nuk ka shkelje kushtetuese. Po, ka një shkelje kushtetuese, duhet pranuar kjo pjesë, di dhe duhet që të biem dakord të bashkëpunojmë për ta tejkaluar.

A e justifikon situata prekjen një norme? Ne jemi të ndërgjëgjshëm që kemi një shkelje kushtetuese, por duhet gjetur zgjidhja.Nesër pasnesër do të mbetemi edhe  pa Gjykatë Apeli, sepse mandatet e tyre nuk janë të përjeshëm. Si do të veprojmë? Duhet të shkojmë rreth ndryshimeve kushtetuese. Reforma në Drejtësi ka vajtur në një pikë ku duhen bërë ndryshime të lehta.

Reforma synon ndryshimin e ndërgjegjes dhe frymës juridike në vend. Por nëse ne e shkelim të gjithë drejtësinë, reforma ska asnjë vlerë?, është shprehur Jordan Daci në një intervistë për ORA News./CNA.al





Lajmet e fundit nga