web counter
LEXO PA REKLAMA!

SHKARKO APP

App Store
Google Play

E fundit!

x

Policia gjermane parandalon sulmin terrorist/ Arrestohen tre të dyshuar

13 Nëntor 2019, 10:31, Kosova & Bota CNA

Policia gjermane ka ndaluar tre persona në qytetin Offenbach nën dyshimin se po planifikonin një sulm duke përdorur lëndë shpërthyese në emër të Shtetit Islamik.

Sipas mediave të huaja, prokurorët kanë thënë se i dyshuar kryesor është një 24 vjeçar gjerman me prejardhje nga Maqedonia e Veriut që ka dashur të prodhojë eksplozivë dhe ka tentuar të blejë armë online.

Dy shoqëruesit e tij janë shtetas turq të moshave 22 dhe 21 vjeç.

Nuk janë bërë të ditura caqet e sulmit por dëshmitë e mbledhura nga bastisjet e tri shtëpive në Offenbach duhet të qartësojnë gjërat, ka thënë prokurorja e Frankfurtit, Nadja Niesen në një deklaratë.

Agjencitë gjermane të inteligjencës dhe policia ka qenë në gjendje të lartë gatishmërie për sulme potenciale nga militantët islamikë që kur një azil-kërkues i refuzuar nga Tunizia vrau 12 persona duke u futur me kamion në një treg krishtlindjesh në Berlin rreth tri vjet më parë.

Substanca dhe pajisje që mund të përdoren për të prodhuar eksplozivë janë gjetur në shtëpinë e të dyshuarit kryesor. Autoritetet thanë po ashtu se kanë siguruar dokumente të shkruara dhe të dhëna elektronike.

Niesen tha se vendimi do të merret të mërkurën nëse të tre të dyshuarit apo vetëm njëri nga ta do të dalë para gjykatësit hetues në një gjykatë në Frankfurt.

Gjykatësi do të vendosë nëse do të lëshojë urdhërarrest dhe të urdhërojë paraburgim.





Lajmet e fundit nga