web counter
LEXO PA REKLAMA!

SHKARKO APP

App Store
Google Play

Gjykatën dhe Prokurorinë e Elbasanit, nuk ka Vetting ta pastrojë

13 Nëntor 2019, 13:20, Vetingu CNA

Edhe pse Vettingu po spastron dhjetëra vemje të korrupsionit nga gjykatat dhe prokuroritë e vendit, duket se ka akoma skuta të cilat mbajnë të “fshehura” vemje të tilla.

Në Elbasan Gjykata dhe Prokuroria janë dy skutat e errëta ku molepsen hapur aferat me korruptive mes gjyqtarëve-prokurorëve dhe avokatëve, pa përmendur sekserët që mbushin lokalet e qytetit. Është një zallamahi e madhe, është një dramë e padëgjuar tek shikon tek rropaten korridoreve të Gjykatës dhe Prokurorisë hallexhinj që edhe pse kanë paguar sekserin, nuk fitojnë procesin edhe kur janë më të drejtën e  ligjit.

Ajo çfarë ndodh në institucionet e drejtësisë në Elbasan është sa e turpshme aq edhe kriminale dhe e paligjshme. Gjyqtarë dhe prokurorë të Plepave dhe sekserë të tyre, e kanë kthyer institucionin në një llumhane të madhe, ku pazari i parë prishet nga pazari dyte, ku vendimi merret pasi vjen sms se “ok personi votoi”, pra lekët u morën.

Një  turp dhe skandal që nuk ka Vetting ta pastrojë. Mbetet detyrë urgjente e organeve të reja të drejtësisë, të spastrojnë nga rredhet e tyre plepaxhinjtë milionerë, që po tallen dhe po rrjepin çdo ditë duke shkelur ligjin qytetarët në Elbasan dhe qytetet e tjera të vendit./CNA.al





Lajmet e fundit nga