web counter
LEXO PA REKLAMA!

SHKARKO APP

App Store
Google Play

Besnik Muçi sërish në “rrjetën” e KPA/ Kush është biznesmeni që po “fundos” anëtarin e Kushtetueses

4 Nëntor 2019, 10:10, Politikë CNA

Paraditen e sotme është zhvilluar seanca për anëtarin e Gjykatës Kushtetuese Besnik Muçi, në Kolegjin e Posaçëm të Apelimit.

Muçi është paraqitur sot para trupës gjykuese ku do të vlerësohet në bazë të tre kritereve, në atë të ligjëshmërisë, aftësisë profesionale dhe pastërtisë së figurës.

“Pasi u njoha me përgigjen rezultoi se për shtetasit e paraqitur nga ana juaj nuk kam kryer veprime proceduriale. Në 2002-2006 kur unë kam qenë prokuror në Tiranë nuk kam trajtuar asnjë procedim për shtetasin A. L. Për këtë shkak unë nuk kam asnjë konflikt interesi. Mua më ka kontaktuar shtetasi A.L. dhe më ka vënë në dispozicion një vendim për mosfillim procedimi penal ndaj tij për “moskallëzim krimi. Unë këtë e kam mësuar vetëm pas sjelljes së raportit te DSIK. Ai sot është një nga taksapaguesit me të mëdhenj të bashkisë Tiranë dhe një nga punëdhënësit më të mëdhenj”, tha Muçi.

Në seancën e kaluar për Besnik Muçin në Komisionin e Posaçëm të Apelimit, u paraqit një dokument i DSIK ku thuhej se dy persona që kishin lidhje me prokurorin Muçi ishin proceduar më parë për veprat penale të ?moskallëzimit të krimit? dhe ?drejtimit të automjetit në gjendje të dehur?.

Personi në raportin e DSIK-së ishte shtetasi me inicialet A.L, të cilit Muçi i kishte blerë një apartament dhe në kohën e plotësimit të deklaratës ?vetting? i detyrohej ende 21 mijë euro, ndërkohë që personi i dytë B.O., i kishte shitur automjetin që prokurori tha se e përdorte edhe sot e kësaj dite./CNA.al





Lajmet e fundit nga