E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Kushtet e Bundestagut erdhën pas alarmit të opozitës”/ Gjata: Reforma nuk mund të bëhet pa ne

4 Nëntor 2019, 11:32, Politikë CNA

Sekretari për Çështjet Ligjore në Partinë Demokratike, Çlirim Gjata, i ftuar në emisionin ?Ditari? me Alba Alishanin, në A2 CNN ka komentuar kushtet e Bundestagut gjerman, për Shqipërinë.

Gjata tha se kushtet e Bundestagut gjerman erdhën pas alarmit të ngritur nga opozita.

?Çështja e Kajmakut, e Prelës, apo të tjerëve që po dalin me radhë, do të thonë se Edi Rama nuk bën dot zgjedhje pa persona të inkriminuar. Ku të shkojmë në karrigen e zgjedhores, me shokun e Kajmakut?! Po të mos e kishim bërë në këtë lëvizje, nuk do të ishte ndezur flakë komuniteti ndërkombëtar, nuk do të kishim 9 kushtet e Bundestagut, por do të kishim Ramën si pasha, si një Putin, që nuk do të lëvizte nga pushtit për asgjë. Gjykatë kushtetuese nuk ke, Prokurori nuk ke dhe ai nuk ka asnjë kontroll të brendshëm. Tani dolëm që i gjithë komuniteti ndërkombëtar është i sqaruar se çfarë po ndodh në Shqipëri. 9 kushtet e Bundestagut erdhën pas djegies së mandateve, 10 protestave, mos marrja pjesë në zgjedhje dhe lufta që ka bërë opozita e bashkuar, sidomos gjatë vitit 2019?.-u shpreh Gjata.

Sa i përket Reformës Zgjedhore, Gjata theksoi se opozita nuk mund të ulet në tavolinë me mazhorancën.

Po ashtu, ai u shpreh se kjo reformë nuk mund të bëhet me opozitën e re në parlament.

I pyetur në lidhje me thirrjen e kreut të PR-së, Fatmir Mediu për lista të hapura, ai tha se opozita po punon për një platformë në reformën zgjedhore.

?Thirrja vjen si opozitë. Çdo parti që bën pjesë në opozitën e bashkuar ka sjellë grupin e saj, i cili po punon për një platformë në reformën zgjedhore. Nuk kemi besim tek ajo që po bën mazhoranca, aq më tepër me ata persona që e drejtojnë atë reformë. Ne nuk mund të shkojmë për fasadë në atë komision. Ne dogjëm mandatet, si mund të shkojmë në atë komision?! Nuk shkohet në komision me Damian Gjiknurin që sjell furgonë me kriminelë. Nuk shkohet në komision me Edi Ramën, që ka drejtuar fushatat e vjedhjes së votave. Ai thotë se mund ta bëjë reformën pa ne. Atëherë, pse duhemi ne atje? Ne jemi mbledhur si opozitë e bashkuar dhe po bëjmë punën tonë. Bundestagu ka vënë kusht: reforma nuk mund të bëhet pa opozitën reale. Ai le ta bëjë. Le të pijë detin. Le të plotësojë 9 kushtet. Ne do të nxjerrim platformën tonë dhe do të kërkojmë që të pranohet. Nuk e njohim atë lloj komisioni. Nuk ka vlerë reforma zgjedhore me ata persona. Prisni sa të dalë produkti i parë i punës së opozitës?.-tha Gjata.

Gjithashtu ai theksoi se ?Reforma zgjedhore nuk mund të bëhet pa ne. Opozita e re më ngjan me emigrantë që martohen për shkak dokumentesh! Ata janë të pabazë, është një martesë fiktive. Ata ndahen pasi marrin letrat, ikin në punë të vet. Ata nuk kanë parti, nuk kanë bazë?./ CNA.al