web counter
LEXO PA REKLAMA!

SHKARKO APP

App Store
Google Play

Shkelën rregullat e qëndrimit/ Riatdhesohen 36 shtetas shqiptar

3 Nëntor 2019, 14:27, Kronika CNA

36 shqiptarë janë rikthyer sërish në Shqipëri pasi kishin shkelur rregullat e qëndrimit në hapësirën Schengen, duke kërkuar azil në Francë dhe Belgjikë.

Sipas njoftimit të policisë, bëhet me dije se, ndër 36 shtetasve që iu është refuzuar dhënia e azilit, 31 janë nga Franca dhe 5 nga Belgjika.

Po ashtu, mësohet se operacionet e riatdhesimit do të vijojnë edhe në javët në vijim.

Njoftimi i policisë:

Rinas – Vijojnë operacionet e riatdhesimit të shtetasve që kanë kërkuar azil apo kanë shkelur rregullat e qëndrimit në hapësirën Schengen

Riatdhesohen  36 shtetas shqiptarë të cilët kishin kërkuar azil në Francë dhe Belgjikë.

Operacioni i radhës u zhvillua ditën e djeshme dhe ishte i  organizuar nga Franca në bashkëpunim me Frontex-in, dhe me mbështetjen e eskortës së Policisë Kufitare shqiptare

Gjatë këtij operacioni janë riatdhesuar 36 shtetas shqiptarë, të cilët kishin shkelur rregullat e qëndrimit në vendet e BE-së, apo u është refuzuar dhënia e azilit, nga këta: 31 nga Franca dhe 5 nga Belgjika.

Operacionet e riatdhesimit do të vijojnë edhe në javët e ardhshme.

Ndërkohë Policia Kufitare ka forcuar  kontrollet në pikat e kalimit kufitar, në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe ka shtuar patrullat  në kufirin jeshil për të parandaluar kalimin e paligjshëm të kufirit.

Ministria e Brendshme dhe Policia e Shtetit apelojnë për të gjithë shtetasit shqiptarë që të respektojnë rregullat e lëvizjes dhe të qëndrimit në hapësirën Schengen, pasi shanset për të fituar azil në vendet e BE-së janë zero./CNA.al





Lajmet e fundit nga