web counter
LEXO PA REKLAMA!

SHKARKO APP

App Store
Google Play

Atentati ndaj prokurorit në Durrës/ Vijojnë hetimet, 40 persona të shoqëruar

3 Nëntor 2019, 11:41, Kronika CNA

Rreth 40 persona janë shoqëruar nga Policia e Durrësit dy ditët e fundit si të dyshuar se kanë qenë në dijeni të atentatit të kryer prokurorit Arjan Ndoj, Aleksandër Lahos, i njohur edhe me nofkën ?Rrumi? dhe shoferit Andi Maloku.

Pavarësisht se, ende nuk ka asnjë person konkret të ndaluar apo të dyshuar për ngjarjen e rëndë, vijojnë ende kërkimet. Mësohet se, personat e shoqëruar nga policia si të dyshuar janë kryesisht shtetas të skeduar më parë për krime të ndryshme, ose që mund të jenë pjesë e dosjeve të hetuara nga vetë prokurori.

Kujtojmë se, prokurori Arjan Ndoj dhe Aleksandër Laho vijojnë të jenë nën vëzhgimin e mjekëve në Spitalin Rajonal Durrës. Ndërsa shoferi i Ndojit, Andi Maloku, vazhdon të jetë ende në gjendje të rëndë për jetën në Spitalin e Traumës në Tiranë.

Prokurori Ndoja ka lënë Repartin e Reanimacionit që prej mëngjesit të së shtunës dhe vijon të mbahet nën kujdesin e mjekëve në dhomën personale ku ndodhet i shtruar. Ndërsa Laho, vijon të marrë ende trajtim mjekësor në Repartin e Reanimacionit.

Të të plagosurit e atentatit në mbikalimin e Shkozetit, dy ditë  më parë, mbahen nën vëzhgimin e forcave të rendit, ndërsa janë lejuar vetëm vizitat e familjarëve të tyre./CNA.al





Lajmet e fundit nga