web counter
LEXO PA REKLAMA!

SHKARKO APP

App Store
Google Play

E fundit!

x

Qeveria jep me qera 600 euro Syrin e Kaltër/ Ceka: Kjo është strategji armiqësore e antikombëtare

31 Tetor 2019, 15:28, Politikë CNA

Pas zërave se ministria e Financave kishte hapur procedurën për dhënien me qira të ambienteve te ?Syri i Kaltër? për një shumë qesharake prej 600 eurosh në muaj, me argumentin se rrezikohej jeta e turistëve si pasojë e keqmenaxhimit, ka reaguar historiani dhe njëherazi ish ambasadori Neritan Ceka.

Përmes një lidhje skype me studion e emisionit “Top Talk”, Ceka është shprehur se ideja e dhënies me qera të këtij monumenti kulture bëhet për shkak të një strategjie braktisje që është ndjekur nga qeveria ndaj këtyre monumenteve.

Sipas Cekës, dhënia me qera e kësaj pasurie nuk është një vendim që duhet të merret nga Ministria e Financave dhe e Kulturës, por nga persona që kanë punuar për krijimin dhe menaxhimin e saj.

“Jam prej disa javësh në Bylys dhe nuk mendoj se ky rast është i ndryshëm nga ai i Syrit të Kaltër.

Them se Syri i Kaltër është në dëshmi e asaj që, së pari, ose ka një strategji braktisje të monumenteve të kulturës, me qëllim që ato të degradojnë dhe pastaj t’ia japin ndonjë konçensionari me justifikimin se nuk mirëmbahen, çka përbën një problematik dhe është armiqësore e antikombëtare.

Dhe e dyta, mund të jetë edhe teoria e rrumpallës, pra ka njerëz që paguhen dhe nuk dinë se ku është Syri i Kaltër.

Them se për dhënien me qera e kësaj pasurie, duhet marrë vendimi i specialistëve që kanë krijuar atë dhe kanë punuar për menaxhimin e Syrit të Kaltër. S’mund të vendosi as Ministria e Financave edhe as e Turizmit.

Këtu nevoitet një institucion apo fondacion publik i depolitizuar që të mund të mbuloj këto çështje sikurse “British Heritage Foundation”. Nuk mund të menaxhohen më nga institucione të tilla”, është shprehur Neritan Ceka./CNA.al





Lajmet e fundit nga