E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Fermerët e Lushnjes në protestë/ Ish deputetja: Po kërkojnë të mbijetojnë, të ushqejnë familjet

30 Tetor 2019, 12:53, Sociale CNA

Fermerët e Lushnjes kanë protestuar paraditen e sotme duke u ankuar se shteti fut prodhime nga jashtë dhe prodhimet e tyre ngelen pa shitur.
Fermerët kërkojnë subvencionim nga shtetit dhe rregullimin e marrëdhënies me tregtarët.
Ish deputetja e LSI, Kejdi Mehmeti ka publikuar foto nga protesta dhe shprehet se palca e shoqërisë shqiptare po falimenton.

?Fermerët po kërkojnë të mbijetojnë, të ushqejnë familjet e tyre, qeveria që kanë përballë hesht edhe i injoron. Hesht sepse me dashje po e shkatërrojnë prodhimin vendas. Hesht sepse me dashje duan ti lën tokat djerrë e fermerët të varfër. Hesht sepse i intereson largimi i shqiptarëve. Hesht sepse kënaqet kur në raftet e supermaketeve ne gjejmë edhe blejmë vetëm produktet e huaja?, shkruan Mehmeti.

Postimi i plotë:
Nga protesta e fermerëve që po mbahet sot në Lushnje!
Produktet e fermerëve shqiptarë po kalben kanaleve si rrjedhojë e politikave të qeverisë që kanë shkatërruar tregun duke favorizuar inportet. Palca e shoqërisë shqiptare po falimenton, djemtë e vajzat e zonave rurale po emigrojnë masivisht, toka po mbetet djerrë.
Kërkesat e fermerëve janë bazike, ata kërkojnë subvencionim të drejtëpërdrejtë, barazim të TVSH për produktet bujqësore si në shitje ashtu edhe në blerje, analiza të specializuara të tokës, plehrave dhe farave, kompensim financiar për produktet e humbura nga shkaqet natyrore apo çrregullimet e papritura të tregut.
Sot Shqipëria që do të duhej të eksportonte prodhimet e bujqësisë, inporton edhe domaten apo qumshtin.
Fermerët po kërkojnë të mbijetojnë, të ushqejnë familjet e tyre, qeveria që kanë përballë hesht edhe i injoron. Hesht sepse me dashje po e shkatërrojnë prodhimin vendas. Hesht sepse me dashje duan ti lën tokat djerrë e fermerët të varfër. Hesht sepse i intereson largimi
I shqiptarëve. Hesht sepse kënaqet kur në raftet e supermaketeve ne gjejmë edhe blejmë vetëm produktet e huaja.