web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtari milioner ngec në “rrjetë”/ KPA e shkarkon nga detyra

24 Tetor 2019, 13:23, Vetingu CNA

Kolegji i Posaçëm i Apelimit ka vendosur sot shkarkimin nga detyra të gjyqtarit të Gjykatës Administrative të Apelit Tiranë, Artur Malaj.

Sipas KPA, subjekti i rivlerësimit Artur Malaj, ka mungesë të burimit të ligjshëm të të ardhurave për të justifikuar pasurinë.

Kujtojmë këtu se CNA.al ka raportuar më parë në lidhje me shkeljet e Artur Malajt si dhe publikoi ekskluzivisht raportin e DSIK,  me numër 4857,  të përpiluar nga Drejtoria e Sigurimit të Informacionit të Klasifikuar.

Në raportin e DSIK thuhet se Malaj në kohën që ka drejtuar Gjykatën e Vlorës, ka dhënë vendime gjyqësore, kundrejt shpërblimeve në euro dhe para.

Gjithashtu ai ka shfrytëzuar detyrën që ka pasur për të përfituar pasuri të patundshme.

Gjatë periudhës, që Malaj ushtronte detyrën e kryetarit të Gjykatës së Rrethit Gjyqësor Vlorë, dyshohet se ka ulur dënimin për shtetasin A.Z., kundrejt një shume eurosh.

Gjithashtu Malaj rezulton se ka ulur dënimin nga burg me gjobë, kundrejt një shume lekësh dhënë nga i akuzuari për shfrytëzim prostitucioni, z. D. L. Çështja është gjykuar nga Artur Malaj pa short.

Po, në cilësinë e kryetarit të Gjykatës së Rrethit Gjyqësor Vlorë, dyshohet për bashkëpunim në përfitime të paligjshme me znj. Klodina Gjyzaj, gjyqtare pranë gjykatës së Vlorës. Zonja në fjalë ka marrë pa short çështjen civile  nr.402 datë 17.07.1997 dhe dyshohet të ketë zvarritur gjykimin.

Gjyqtarja Klodiana Gjyzaj, në dhënien e vendimit civil me nr 1513, datë 23.09.2005 në bashkëpunim dhe në interes të kryetarit të Gjykatës së Vlorës Artur Malaj jep në pronësi, me parashkrim fitues një pronë publike në qytetin e Vlorës. Sipas informacioneve rezulton se shtëpia objekt i vendimit civil është ndërtuar pa leje ndërtimi në vitet 1995-1996 nga babai i Artur Malajt.

Kryetari i Gjykatës së Rrethit Gjyqësor Vlorë ka përdorur pozitën e tij me qëllim përfitimin e një pronë, (truall, pronë shtetërore) në qytetin e Vlorës.

Pas verifikimeve të kryera në vazhdimësi nga institucionet verifikuese rezulton gjithashtu se shumat monetare që Malaj kërkonte për favoret gjyqësore dorëzoheshin disa ditë përpara se të jepeshin vendimet përfundimtare gjyqësore, me qëllim favorizimin e tyre.

Shumat e përfituara nga aktivitetet e paligjshme janë investuar  në fushën e ndërtimit në emër të personave të tretë. (Lexo Këtu)

Gjithashtu CNA.al ka zbardhur më parë edhe pasurinë e gjyqtarit Malaj, i cili ka deklaruar ndër vite troje, apartamente, makina dhe llogari bankare në mijëra euro e dollarë./ CNA.al

Gjyqtari që mbahet mend për kërcënimin/ Rehatohet në Tiranë me detyrë dhe me pasuri

Vilën në emër të ish sekretares dhe para nga prostitucioni/ Artur Malaj, skandali i gjyqësorit





Lajmet e fundit nga