E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Reforma shkund drejtësinë/ 12 gjykata drejt shkrirjes, ekspertët e KiE zbarkojnë në Tiranë

28 Shtator 2019, 06:46, Vetingu CNA

Përveç largimit të gjyqtarëve të korruptuar, Reforma në Drejtësi pritet të ulë edhe numrin e gjykatave në vend.

Nga parashikimet paraprake, është thënë se nga 37 gjykata në vend, 10 apo 12 prej tyre, do të shkrihen, ku përfshihet gjykata në Pukë, Kavajë, Burrel dhe Sarandë.-shkruan gazeta Sot.

Në një intervistë televizive, Ramin Gurbanov, presidenti i Komisionit Evropian për Efikasitetin në Drejtësi në Këshillin e Evropës, tregon për ndryshimet që do të bëhen në gjykatat në Shqipëri, ndërsa pikë kyçe, cilëson hartën e gjyqësorit dhe aksesin.

?Ne kemi hartuar dokumente dhe udhëzime mjaft të rëndësishme dhe njëra ka të bëjë me hartën e gjyqësorit dhe aksesin. Lidhen me disa kërkesa kryesore që kanë të bëjnë me aspektin gjeografik, me numrin e popullsisë dhe densitetin e qytetarëve në zona të caktuara, dhe përveç kësaj, ka edhe aspekte të rëndësishme që duhen marrë parasysh nga qeveri, që lidhen për shembull me transportin dhe aksesin?, deklaroi presidenti i CEPEJ.

Ideja për shkrirjen e disa gjykatave në vend, ka ardhur për shkak se, gjykatat që do të shpallen jo funksionale, numri i çështjeve në shqyrtim, është i vogël.

Gjithashtu, gjatë fjalës së tij, Gurbanov tregoi me detaje sesi do të funksionojnë gjykatat që do të shkrihen, ndërsa deklaroi hapur një avantazh të këtij ndryshimi.

?Në vendet lindore të Evropës ka patur raste ku gjykatat janë shkrirë, por ajo që ne bëjmë pra speezh, është se mbajmë ndërtesat ekzistuese të gjykatave, por ndryshon menaxhimi, ato kanë një menaxhim të vetëm të disa ndërtesave. Aty ku kuptohet se një gjyqtar apo gjyqtare e caktuar nuk ka shumë çështje. Çështja nuk lidhet me një juridiksion të caktuar, por me gjyqtarin?, shprehet Ramin Gurbanov.

Lidhur me ndryshimin në hartën gjyqësore, pritet që mbledhja për të shqyrtuar këtë temë, do të zhvillohet në datën 1 tetor nga Këshilli i Lartë Gjyqësor, të mbështetur dhe nga Komisioni Evropian për efikasitetin e drejtësisë.