E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Celula terroriste në Shqipëri/ Agron Gjekmarkaj: “Scoop” për të tërhequr vëmendjen

23 Tetor 2019, 17:47, Politikë CNA

Agron Gjekmarkaj nga emisioni?Opinion? në ?News 24? TV ka folur rreth lajmit të bujshëm të zbulimit të celulës iraniane në Tiranë, që kishte planifikuar ndërmarrjen e një akti terrorist, ditën e shenjtë të besimtarëve bektashinj.

Gjekmarkaj e vlerësoi publikimin e këtij lajmi si ?scoop? për të tërhequr vëmendjen nga dështime të tilla si është ajo me mosçeljen e negociatave të Shqipërisë me BE-në.

?Më vjen mirë që një gjë e tillë është parandaluar dhe Polici e Shtetit ka treguar efikasitet. Kjo tregon që edhe Shqipëria është vulnerabël.
Nga ana tjetër kjo tregon se sa problematike është mikpritja që ne i kemi bërë muxhahedinëve iranianë në Shqipëri duke na ekspozuar përballë ndaj një rreziku të mundshëm terrorist nga ana e vendeve të cilat janë të interesuara të godasin këta njerëz dhe këtë organizatë. Shpresoj që të mos ketë të tilla raste, sepse ne nuk është se kemi shumë të forta organet ligjzbatuese dhe inteligjencës.

Nga ana tjetër shpresoj që ngjarje të tilla të mos përdoren si një atraksion për të tërhequr vëmendjet nga dështime të tilla siç ka qenë ky i fundit i qeverisë shqiptare por edhe i shoqërisë do të thosha për sa i përket hapjes së negociatave me BE-në. Do doja shumë që të mos kemi nesër një stimulim të prishjes së Teatrit Kombëtar apo arrestime tek Unaza e Re, ngjarje të cilat hedhin benzinë në debatin publik për të anashkaluar këtë dështim i cili meriton të mos kalohet kështu.
Ajo është një ngjarje që nëse ka ndodhur sigurisht që do bëhej publike. Por po hamendësoj që nuk duhet të ketë abuzime me ngjarje të tilla për t?i shndërruar në ushqim për propagandën e përditshme sepse kjo qeveri shquhet në invencionin e lajmeve të cilat tërheqin vëmendjen e publikut për të larguar vëmendjen nga ato që janë tema kryesore që shqetësojnë shoqërinë shqiptare sot?, vlerësoi analisti Gjekmarkaj./CNA.al