web counter
LEXO PA REKLAMA!

SHKARKO APP

App Store
Google Play

E fundit!

x

Bushati publikon fjalimin e At Gjergj Fishtës në Konferencën e Paqes në Paris: Duhet të na shërbejë për të reflektuar

23 Tetor 2019, 10:48, Politikë CNA

Ish ministri i Jashtëm, Ditmir Bushati ka publikuar një pjesë nga fjalimi i At Gjergj Fishtës, në Konferencën e Paqes në Paris në vitin 1919.

Sipas Bushatit, puna e madhe e bërë nga personalitetet e kohës për të arsimuar shoqërinë e përhapur dijen, duhet të na shërbejë për të reflektuar edhe sot mbi nevojën kombëtare për të punuar fort në këtë drejtim.

??Ndërsa që në Shqipni, që prej viti 1908, kur qe shpallë Konstitucioni i Turkisë, e deri në fillim të luftës ballkanike, pra në ma pak se katër vjet, u ngrefën shtatë shtypshkronja, u themeluen ma se njizet fletore politike e të përkohshme, u çelën nji shkollë Normale e nja tridhjetë të tjera fillestare, e të tana të veçanta e të mbajtuna vetëm me pare të kombit shqiptar.
U përpiluen të tana tekstet për shkollat fillestare e disa edhe për shkolla të mesme. E kështu, sot më sot, mësimi jepet shqip ndër të gjitha shkollat e Shqipnisë. Janë botue edhe shumë vepra letrare me randësi të cilat e kanë çue nalt ndjesinë kombëtare tuj i dhanë në pak kohë shumë zhdrivillim gjuhës shqipe, fakt ky që, në kohë të pushtimit austro-hungarez, kjo gjuhë qe përdorue për gjuhë zyrtare ndër të gjitha zyrat administrative. Mbrenda kësaj kohe qenë mbajtë tre Kongrese Gjuhësie si dhe qenë disa shoqni letrare, etj, etj… E gjithë kjo veprimtari asht zhvillue pa kurrnji ndihmë prej anës së qeverisë??.
Në ditën e tij të lindjes, At Gjergj Fishta nuk mund të kujtohej më mirë sesa me këtë pjesë nga fjalimi në Konferencën e Paqes, Paris 1919.
Puna e madhe e bërë nga personalitetet e kohës për të arsimuar shoqërinë e përhapur dijen, duhet të na shërbejë për të reflektuar edhe sot mbi nevojën kombëtare për të punuar fort në këtë drejtim?, thuhet në postimin e Bushatit.





Lajmet e fundit nga