web counter
LEXO PA REKLAMA!

SHKARKO APP

App Store
Google Play

Jashtë grupeve të punës për Reformën Zgjedhore/ Flet Rudina Hajdari

23 Tetor 2019, 11:39, Politikë CNA

Kryetarja e grupit demokrat Rudina Hajdari ka reaguar një ditë pas lajmit që qarkulloi në media, sipas të cilit ajo është lënë jashtë grupeve të punës për Reformën Zgjedhore.

Në një prononcim për  Report Tv, Hajdari tha se ajo do të jetë pjesë e ndryshimit të sistemit zgjedhor dhe se brenda nëntorit opozita do të publikojë draftin e saj.

?Si fillim në rendin e ditës do të jetë konstituimi i grupeve të punës, një grup për ndryshimin e sistemit, një grup me financimin e fushatave dhe një tjetër me votën e emigrantëve, si do të arrihet kjo sfidë e madhe dhe e vonuar, që shqiptarët që ndodhen jashtë vendit të votojnë.?-tha deputetja Hajdari.

E pyetur se pse nuk është pjesë e grupit të punës, Hajdari tha se ?Unë do të merrem me ndryshimin e sistemit, do të jem në atë grup. Në draftin që ka dalë nga Kuvendi, besoj që është një problem teknik. Patjetër që do të jem e përfshirë, pasi jam bashkë-kryetare.?.

Po ashtu ajo ritheksoi kushtin se opozita nuk do të pranojë reformë në dy faza.

?Nuk do të pranojmë asnjëherë një proces që është në dy faza. Brenda nëntorit do të kemi një propozim konkret të opozitës së re për ndryshimin e sistemit. Ne jemi për heqjen e fuqive të kryetarëve të partive.?-tha Rudina Hajdari.

Gjithashtu, ajo ka folur edhe në lidhje me draftin e propozuar, ku nuk përfshihet depolitizimi i administratës, ndërsa theksoi se ?Në takimin e fundit komisioni ra dakord që të merret me pikat që janë më pak problematike, që janë jo të kontestueshme për opozitën dhe PS-në. Ky draft është një draft i pjesshëm nuk merret me cështje thelbësore, por me disa pika që nuk janë të kontestuara nga palët. Prandaj dhe është bërë propozimi, që propozimi i parë që do të vijë në komision përsa i përket rekomandimeve të OSBE do të merret me pikat më pak të kontestueshme.?/ CNA.al





Lajmet e fundit nga