web counter
LEXO PA REKLAMA!

SHKARKO APP

App Store
Google Play

E fundit!

x

Negociatat/ Kryeministri grek: Jemi pro integrimit për Shqipërinë, por ka një kusht

23 Tetor 2019, 07:47, Politikë CNA

Kryeministri i Greqisë, Kyriakos Mitsotakis shprehet se Greqia është në favor të rrugës evropiane të Ballkanit Perëndimor për Shqipërinë.

Mitsotakis shprehet se parakushti për përparimin e përbashkët në rrugën evropiane të Shqipërisë është respektimi i pakicës greke dhe të drejtat e saj.

Përsa i përket Maqedoninë, Mitsotakis thotë se marrëveshja e Prespës ishte negative, megjithatë nuk do të ndërmarrë asnjë hap për tërheqje.

“Greqia është në favor të rrugës evropiane të Ballkanit Perëndimor, jo vetëm sepse e shndërron perspektivën në një faktor stabiliteti në rajon, por edhe sepse është një levë demokratike për modernizimin e nevojshëm të fqinjëve tanë dhe për zgjidhjen e çështjeve tona bilaterale.
Unë ende besoj se Marrëveshja e Prespës ishte një marrëveshje negative për vendin tonë. Unë votova kundër, por sinqerisht i paralajmërova grekët se çfarë nënkuptonte nënshkrimi i saj. Por nuk do ta fyej edhe pse të tjerët e kanë nënshkruar.
Unë as nuk do ta ekspozoj vendin në aventura. Pa rrezikuar destabilizimin më të vogël, ne do të monitorojmë nga afër detyrimet e fqinjëve tanë, pajtueshmërinë e fqinjëve tanë me detyrimet e tyre.
Si me të gjithë, me Shqipërinë, ne kërkojmë marrëdhënie të mira fqinjësore. Sidoqoftë, parakushti për përparimin e përbashkët në rrugën evropiane të Shqipërisë është respektimi i pakicës greke dhe të drejtat e saj” u shpreh kryeministri grek.





Lajmet e fundit nga