web counter
LEXO PA REKLAMA!

SHKARKO APP

App Store
Google Play

E fundit!

x

PD në kaos/ Grida kundër të gjithëve

22 Tetor 2019, 20:40, Politikë CNA

Dje në një dalje në media, Grida Duma, ish sekretare dhe ish deputete e Partisë Demokratike ka mbajtur një qëndrim ndryshe nga zyrtarët e PD-së dhe Republikës së Re të Lulzim Bashës në lidhje me listat e deputeteve  dhe sistemin e ri zgjedhor.

Grida ka qenë e qartë dhe e drejtpërdrejtë. Ajo ka kërkuar listat e hapura gjë që kërkohët nga shumë parti politike, kryesisht aleat të Lulzim Bashës por edhe parti të vogla, të cilat shpesh e kanë artikuluar në mënyrë të drejtpërdrejtë. Grida është zëri i parë zyrtar i rëndësishëm i PD-së që mban një qëndrim të tillë, ndërkohë që sot kaosi ka plasur në PD.

Basha ka sulur të tijët kundër Gridës. Mesa duket zonja Duma qenka më e mënçur se të gjithë të tjerët. Nuk mund ta lerë fatin e saj politik në dorën e humorit të Lulzim Bashës apo familjarëve të tij, bashkëshortes, kunatit etj., të cilët shpesh janë akuzuar si njerëz që kanë vendosur fatin e listës së zgjedhësve në zgjedhjet e vitit 2017.

Tashmë Duma duket më e qarta nga të gjithë. Më e sakta në lidhje me këtë qëndrim. por çfarë ndodh në këtë rast? Qëndrimet e Dumës menjëherë sulmohen. Këta që dje e mbronin dhe i dilnin në krahë, sot po e sulmojnë në mënyrë të ashpër.

I pari ka qenë Aldo Bumçi. Më tej ka folur edhe kreshnik Çollaku kundër listave të hapura. Pra kanë qenë disa persona që kanë mbajtur qëndrim, shumë eksponent dhe personazhe, të cilët kanë thënë që nuk na duhen listat e hapura, por listat e mbyllura dhe sistemi aktual është në rregull.

Por problemi është kapja e tij. Kemi sipas njerëzve të Bashës dhe disa drejtuesve të PD-së një sistem të rregullt zgjedhor, por të kapur. Por si mund të jetë në rregull një sistem zgjedhor kur është kapur? Pra pikërisht ka problem. Është kapur. Prandaj edhe pretendimet e ngritura nga Duma dhe persona të tjerë brenda PD-së apo edhe aleatë të Lulzim Bashës që kërkojnë lista të hapura, nuk është se janë të gabuara.

Mirëpo, shumica e njerëzve rreth Lulit kërkojnë rehatinë. Thonë ?më mirë më fut kryetari në listë të zgjedhsve sesa të luftojë dhe të fitojë për të mbledhur vota?.

Nuk janë mësuar të luftojnë, nuk janë mësuar të bëjnë fushata, por duan gjithçka ta kenë gati dhe të rrinë gjithmon të fshehur pas karrigeve dhe ndoshta pas imazheve në foto, duke pretenduar se po bëjnë diçka, duke u sjellë nga vërdallë në rrjetet sociale si të mëdhënjë, por që në finale shumica e listës së Bashës dhe atyre që janë vërdallë tij, ish-Sekretariati dhe Sekretariati aktual nuk janë thjesht gjë tjetër veçse disa njerëz që rrinë dhe ngrohin karrigen.

Sa për listat e hapura dhe të mbyllura, beteja tashmë është zhvendosur brenda PD-së. Pas tradhëtisë ndaj aleatëve, zërat ndryshe në PD fillojnë të kritikojnë edhe këtë sistem që mesa duket në një pazar Rama-Basha mbrohet prej këtij të fundit./CNA.al





Lajmet e fundit nga