web counter
LEXO PA REKLAMA!

SHKARKO APP

App Store
Google Play

E fundit!

x

"Largimi i Ramës, vetëm një dëshirë e Bashës"/ Balla: PS i fiton edhe zgjedhjet e parakohshme

22 Tetor 2019, 19:31, Politikë CNA

Sekretari i përgjithshëm i Partisë Socialiste, Taulant Balla nga studio e ?Mbrëmje në ABC? është shprehur i bindur se edhe nëse bëhen zgjedhje këtë të dielë, PS do t?i fitonte ato.

Sipas Ballës, edhe me miratimin e Kodit të Ri zgjedhor socialistët nuk do të kryejnë zgjedhje të parakohshme dhe se ato do të mbahen në qershor 2021.

?Rruga europiane e Shqipërisë lidhet me Kodin Zgjedhor, por ndryshimi i sistemit zgjedhor është një çështje e partive politike që nuk ka lidhje me këtë. Ai duhet të ndryshojë por ka një parim, duhet t?i lejojmë kohë deri në një vit që kjo procedurë të përfundojë.

Në lidhje me zgjedhjet e parakohshme, nuk kam dyshim që PS-ja i fiton nëse ato mbahen qoftë edhe të dielën.

Askush, as ne nuk kemi të drejtë t?iu themi shqiptarëve se miratuam Kodin e Ri zgjedhor dhe ne duam zgjedhjet me çdo kusht. Zgjedhjet do të zhvillohen në qershor të 2021.

Vetëm një palë zgjedhje do të bëhen të parakohshme dhe këto janë ato në Shkodër pas largimit të kreut të bashkisë. Me këtë rast i bëj thirrje Metës të dekretoj zgjedhjet e parakohshme në Shkodër?, ka thënë Balla.

Referuar protestave të mundshme nga ana e opozitës pas ?jo?-së së negociatave, Balla, me fjalë të tjera, është shprehur se maxhoranca ka bërë gjithçka që kishte në dorë për të marrë një ?po? dhe se kërkesa për largimin e Ramës do të mbetet thjesht një nga dëshirat e Bashës.

?Maxhorancës nuk i ka mbetur asgjë pa bërë, për të marrë negociatat. Ne si qeveri nuk kemi asnjë peng.

Kërkesa e Bashës për protesta masive për largimin e Ramës është ?wishful thinking?.

PD-ja s?po tregon gjasa për tu bërë e besueshme. Është e paimagjinueshme që PD-ja të flas keq për Shqipërinë dhe shqiptarët, kur Angela Merkel del dhe thotë e zeza mbi të bardhë që ne i meritonim negociatat?, është shprehur Balla./ CNA.al





Lajmet e fundit nga