web counter
LEXO PA REKLAMA!

SHKARKO APP

App Store
Google Play

E fundit!

x

Përvjetori i Kaçifas/ Provokon ekstremisti grek, Karathanos: Të gjithë në Bularat më 26 tetor

23 Tetor 2019, 13:29, Politikë CNA

Ndërkohë që pak ditë na ndajnë nga përvjetori i vdekjes së ekstremistit grek, Kostandinos Kaçifas, në Bularat të Gjirokastrës, duket se ky përvjetor i parë i vdekjes së tij do të shoqërohet me tensione dhe përplasje.

Ekstremistët e tjerë grek kanë njoftuar se do të organizojnë një ceremoni në përkujtim të Kaçifas, më 26 tetor. Lajmi u bë me dije nga Babis Karathanos, një tjetër ekstremist i shpallur ?non grata? nga shteti shqiptar, i cili përmes një shkrimi në rrjetet sociale iku ka bërë thirrje grekëve që të marrin pjesë në ceremoni, duke konfirmuar edhe pjesëmarrjen e tij.

?Ne të gjithë do të jemi të pranishëm për të nderuar heroin tonë! Bëj thirrje që anëtarët e sindikatës të marrin pjesë në ceremoninë e 1-vjetorit të Kostandinos Kaçifas, në Bularat. Pas pak ditësh, bëhet një vit nga dita kur Kostandini u ekzekutua me gjakftohtësi nga forcat speciale të policisë shqiptare, në kodrën e fshatit të tij, vetëm disa metra larg shtëpisë së tij, në Bularat, më 28 tetor.

Një vit më vonë, shteti shqiptar, vazhdimisht gjen justifikime për të mos përfunduar hetimet për vrasjen. I bëjmë thirrje çdo greku, që të marrë pjesë në ceremoninë përkujtimore, që do të mbahet më 26 tetor 2019, në qytetin e tij, në Bularat, në orën 09:00 (lokal). Ne jemi të pranishëm! Kostandin Kaçifas, i pavdekshëm!?, shkruan Karathanos./ CNA.al





Lajmet e fundit nga