E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Çmendet” kryebashkiakja e Durrësit/ Miliona për godinën, asnjë për tërmetin

12 Tetor 2019, 10:34, Politikë CNA

Mbledhja e djeshme e Këshillit Bashkiak të Durrësit është shoqëruar me debate dhe përplasje të forta, mes kryetares së re të kësaj bashkie, Valbona Sako dhe këshilltarëve.

Mësohet se shkak për debatet është bërë pika 4 e rendit të ditës, ?Për miratimin e përdorimit të fondit prej 117,736,220 lekë të kursyera nga procedurat e prokurimit për vitin 2019?.

Ndërsa kryetari i grupit socialist, Alfred Mullaraj, ka kërkuar që kjo shumë parash të përdorej për emergjencat që ka qyteti i Durrësit, pas dëmeve të shkaktuara nga tërmeti i 21 shtatorit në çerdhe, kopështe dhe banesa, kryebashkiakja Sako kërkon që fondi të përdoret për zyra, luks e për rikonstruksion të godinës.

Pas debateve të forta, në fund të mbledhjes, Sako i ka kërkuar dy drejtuesve të saj, respektivisht drejtoreshës së Shërbimeve dhe Ekonomisë, që të bëjnë rezyme të situatës në të cilën ndodhet godina e Bashkisë Durrës, veprim të cilin e ka ndaluar kryetari i Këshillit Bashkiak, Ani Dyrmishi, i cili i tha Sakos se nuk ka asnjë kompetencë për vendimmarrje në mbledhjet e grupit, duke e shpallur mbledhjen të mbyllur.

Kjo gjë ka irrituar kryebashkiaken, e cila ka folur me tone të ashpra, ndërsa anëtarët janë larguar përpara përfundimit të fjalës nga ana e Sakos.

Pra, kryetarja e Bashkisë së Durrësit, një fond prej 117,736,220 lekë kërkon që ta përdorë për luks, për zyrën e saj, për godinën e Bashkisë, ndërkohë që Durrësi ka qindra pasoja nga tërmeti.

Kryebashkiakja e Durrësit, në vend të kujdeset apo t?ju shërbejë qytetarëve, duket se hallin më të madh ka xhepin dhe luksin e saj.

Ndërkohë që Durrësi ka me qindra dhe mijëra familje me ndihmë ekonomike, ndërkohë që Durrësi, ka shkolla të parikonstruktura, ka çerdhe të parikonstruktuara, ka qëndra shëndetësore të parikonstruktura e një mijë e një emergjenca të tjera, jo luksin e zyrave të Valbona Sakos, e cila mesa duket kërkon që të japë tendera që të rrëmbëjë çtë mundet. Sepse është bërë parim, jep tendera dhe kap ç?të mundesh.

Ato para të cilat u bënë shkak edhe të përplasjeve të djeshme në Këshillin Bashkiak, janë para të kursyera nga tenderat të cilat duhet të përdoren në shërbim të qytetarëve dhe jo për zyra dhe luks për Valbona Sakon./ CNA.al