web counter
LEXO PA REKLAMA!

SHKARKO APP

App Store
Google Play

E fundit!

x

Shënim/Arrestime në Astir, Basha braktis protestuesit

11 Tetor 2019, 20:29, Politikë CNA

Mbrëmjen e sotme, duke përfituar nga hyrja në fuqi e ndryshimeve në Kodin Penal, që bllokimin e rrugëve e vlerëson vepër penale, Policia e Shtetit ka shtuar dozën e agresivitetit ndaj protestuesve të Astirit, duke qenë e gatëshme të nisë arrestimet ndaj atyre që i konsideron si më të ?rrezikshëm?.

Ndërkohë që i pamunguari mëkëmbës i prijësit të tyre politik, Klevis Balliu, çuni i Fahriut, ka qenë edhe sot në krye të protestuesve, duke artikuluar madje dhe thirrje kërcënuese ndaj policisë, bën përshtypje mungesa e vetë prijësit Lulzim Basha, për të cilin s?di kush të thotë se ku është zhdukur.

Ca thonë se ndodhet sërish në Hollandë, të tjerë mohojnë, por nuk pohojnë vendndodhjen e tij, gjë e parëndësishme përballë faktit të pakontestueshëm se pikërisht atëherë kur duhej ti dilte për zot protestuesve të frymëzuar prej fjalëve të tij prej “burri”, Lulzim Basha i ka braktisur.

Lulzim Basha jo vetëm ka qenë frymëzuesi i protestuesve të Astirit, por dhe garantuesi i mosprekjes së tyre, nga strukturat goditëse të qeverisë.

Lulzim Bashën e kemi parë të shfaqej para turmës së protestuesve atëherë kur u premtonte zgjidhjen e hallit të madh, kur vinte në pushtet, por nuk e pam gjëkundi mbrëmjen e sotme, kur rrezikut të shëmbjes së banesave të tyre iu shtua edhe një tjetër hall i madh: arrestimi dhe burgosja./CNA.al





Lajmet e fundit nga